منتديات نور الأدب - زجل "الكباب "

يا حبيبى ياابو الأحباب لا تنسى النص كباب

دنا جايبه من عند الحاتى علشانك مخصوص يا حياتى

اول ما قبضت الجمعية جريت أوام وبتوصيه

ووقفت على طول ع الباب وقلت له هاتلى الكباب

قالى فين النقدية قلت له دانا قابض جمعية.

مديت أنا ايدى فى الجيب وناولته اوام النقدية

ومشيت ع السكة شويه وشاورت دغرى لعربية

ولما شاف معيا العيش نزلنى ع شارع الجيش

ومشيت على طول ع البيت خبطت دغرى وناديت

تعالى يا ست البيت دانا بالكباب عليك هليت

قالت يا سلام ع الإتيكيت قلت أهو نفردها شويه

وعلى طول حطينا الطبلية وقعدنا ناكل بشهية

صحيح كانت لقمه هنية سألتنى منين النقدية

قلت لها أنا قابض جمعية.

رد ست البيت.

اشكر لك ياحياتى كبابك * ده انا كلته يوميها بشهية .

ربنا ما يقفل لك بابك * ويديمها عليك لقمة هنية.

لكن زعلنى يا عنية * انك ضيعت الجمعية .[BIMG]http://www.google.com.eg/images?q=tbn:wrJ9kXNbzcoAsM::www.[/BIMG]