منتديات نور الأدب - مبروك للجزائر الوصول لكأس العالم

مبروك للجزائر الوصول لكأس العالم ألفين مبروك
من حقكم تضربوا صورايخ من حقكم ترقصوا
معاكوا تصريح
أما الجمهور المصرى
عامل زى الطير الجريح
دلوقتى بس أقدر أقوله عليك ان تستريح
المشكلة أنهم فى مصر من قبل التصفيات
ويادوب بعد القرعة بساعات
ملوا الدنيا أعلانات
وكأننا خلاص وصلنا كأس العالم والالمبيات
وكأنهم غلبوا وفازوا فى كل المباريات
من قبل ما تتلعب الماتشات
دلوقتى معدش فاضل فى مصر ألا التصريحات
وأشتغلت حبوب المسكنات
واللى بيقولوا لسه الامل موجود
وأتمسكوا بالامل ولو محدود
وأنا بقولهم للاسف وصلنا لطريق مسدود؟
انا مش خبير ولا مدرب قدير
والصراحة معرفش أفرق بين الطرقتين
الطريقة أربعة\ أربعة \ أتنين
وخمسة \تلاتة \ أتنين
بس أعرف أفرق بين اللى بيلعب بقلبة
وحامل هم التمانين مليون
اللى كانوا بيحلموا بحلم الوصول
دلوقتى صحوا من النوم
بعد الكلام المعسول
اللى بيتقال فى الفضائيات
ولسه بيقولوا أنغلبوا زامبيا هناك
ونغلبوا الجزائر خمسة ونصعدوا على طول
صدقونى الموضوع مش محتاج حسابات
قولوا للجزائر الفين مبروك من سوكات
مع أنى مصرى بجد وحبى لمصر ملوش حد
وانا عارف أنى لما أقول كدا فى ناس هتقوم عليا الحد
بس أعمل اية أنا بقول كلمة حق
مبروك للجزائر الوصول للمنديال
ويارب تشرف العرب وافريقيا كمان وكمان
ياريت يكون فيه روح رياضية
احنا هما مش قضية
المهم دولة عربية
وياريت نخفوا الحقد شوية
الجزائر حزنت كتير
فيها اية لو تفرح شوية
هية المرة دى
واحنا ان شاء الله
ان عشنا وأن كان لنا عمر
المرة اللى جاية