منتديات نور الأدب - اذا ما كنت شامي ( عن حأ وحأيئ ) لا تحاول تئرأ

منتديات نور الأدب (https://www.nooreladab.com/index.php)

- أمثال - دبابيس- طرائف (https://www.nooreladab.com/forumdisplay.php?f=275)

- - اذا ما كنت شامي ( عن حأ وحأيئ ) لا تحاول تئرأ (https://www.nooreladab.com/showthread.php?t=13173)

اذا ما كنت شامي ( عن حأ وحأيئ ) لا تحاول تئرأ

اذا ما كنت شامي ( عن حأ وحأيئ ) لا تحاول تئرأ

أول ما جهجه الضو ، اجا يوسف ليشطف البيت، منشان البأ ، سكّر باب لصئاء، شلح الشحاطة منشان ما يجئجئ، و جرجر الكراسي و شئفة الزريعة ، و تكتك شلون بدو يشطف، بحبش شوي، دندل البربيش و شغل المي من الجب، سخنا عالنار لبقبقت و بربقت، و كتا بالحوش الجواني بالطاسة لانو ما عندن سطل أو ئسطل و صهريج و خرطوم،

و دعك الارض منيح من الزفر لانو دبئة ، فك الكمر ليترحرح و شلح الشلحة ، منشان ما تتشحور،

و شلفا وراه، و فشّخ فوق المي ، و دئّر شوي ، و بعدين نط بجعزة ، تفشكل بكومة دف ، و انطبش جواتا،

طبشة آآآتولية ، و انجرحت ايدو واوا حشّك ولبك، و بعئ و جعّر آخ يا يامو ، يا يابي ، واجيت امو

وبإيدا الطواية و الشمشاية و قالتلو يييي عليك ، ليش عبتحركش و تنكّش ، متل البوبو ، كنت امسوك الدرابزين، شو معمصة عيونك و مفشفش ، ئعود عالبرطوشة ، و تلقح عالزيىء ، و حاج تطرطىء و تفرتّك ، و دحتّه هديك الدحة ،

و جابتلو شئفة شرشوطة و ربطتا ، بعد ما خسلتا بالمي وعصرتا ، و طرطشت تنورتا، و أأأالتلو ئوم تغندر

وللي على أأأمتك شو نعيان , ناتع هالطول علفاضي , أاوم من وششي , هزيتللي بدني , وما شطفت البيت ,

ولا راح البأ , تضرب بيهالاااامي ,,

((((( يتحورئو على هالإيميل شو مبندء ومسرسئ سرسئة !!!! ))))

إذا بدكم ترجمة لبعض الكلمات خبروني أنا سيدة من ترجم لكم
تؤبرني هاللهجة إيش أد حلوة