منتديات نور الأدب - ياحبيبتي يامصر ( زجل :محمد حسبو الأقرع )

ياحبيبتي يامصر

محمد حسبو الأقرع

عضو اتحاد كتاب مصر

[align=center][table1="width:95%;background-color:crimson;border:4px solid tomato;"][cell="filter:;"][align=center]
بلدنا بلد الأمان .. بلد السلام و الحب
في دمنا حبها ، الروح و نبض القلب
مصر اللي من حبها ولحبها عايشين
واللي في سبيل عزها دايماً يهون الصعب

مصر الإيمان و الهدى .. مصر العلوم و النور
مصر التاريخ و الخلود مهما الزمان بيدور
مصر السلام و المحبة .. مصر نبع الخير
الحب فيها شريعة .. و الوفاء دستور

مصر اللي ياما كتب عنها التاريخ صفحات
وشعبها الحر صانع أعظم الحضارات
مصر الهدى و التقى
مصر العلوم و الدين
مساجدها جنب الكنايس للهدى منارات
مصر السلام و المحبة و العلم والايمان
عاش الهلال و الصليب على أرضها إخوان
مسلم ، مسيحي في بلدنا الجميع مصري
لنا الوطن كلنا .. والدين للديان.[/align][/cell][/table1][/align]

نشرت بجريدة المصري اليوم . 15 فبراير 2010 .العدد 2073 .