ما صادقنا ما فارقنا
ما خلى مانا يصفى
كبلنا بخيوط الحب
ما خلى شانا يعلى
بالصدق و الصفا عاهدنا
كل اليوم كان يجمعنا
حتى عليه انتخبنا

ملي ايامو بدات تحلى
ما عاد بان ليه أثر
لا هو في المقهى المعلومة
و لا هو في الدار
آصبح نعاسو فين ما كان
حتى ف كرسي البرلمان
كيف النجم المشهور
فرحان للناس يبان


من حيلة لحيلة
حتى فقد سمعتو الجليلة
سبق لينا حذرناه
ما يشارك ما يغامر
ما يدخل للسوق العامر
ويسكن قلبو المسامر
يصبح قصح من الحديد
و آخبارو يعمروا بها الجرائد