|
معاهدة النيل بدون مصر
معاهدة النيل بدون مصر ليه يا بلاد الإندوجــــــــــــــو قسِّمتوا وادي النيل نـُصِّيــــن ليه اتفقتوا وحديكــــــــــــــو من غير وجود المصرييـــن شدِّيتوا ليه مِنـَّا إديكـــــــــو واحنا اللي كنا متفـْقيـــــــن الميَّه دي لينا وليكـــــــــــو ليه يبقى بينـَّا ناس تانييــن ــــــــــــــــ عاوزين تعيدوا التقـْسِيمـــــه وتـْعَدِّلوا لاتفاقيــــــــــــــــــه دي هتبقى ف العُرْف جريمه لو قل منينا الميَّــــــــــــــــه لازم تكون نفـْس القيمـــــه وإلا تبقوم حراميـــــــــــــه بتزؤُكـُم دوله لئيمـــــــــــه وبتدِّي من تحت الإسْفيـــن ــــــــــــــــ ليه إسرائيل تـُدْخـُل بينـَّــــا وتصدَّقوها ف أكاذيبهــــــا لا عُمرها هتكون مِنـَّـــــــا ولا اللي بيصيبنا يصيبهـــا كل اللي عاوزاه تِحْرمْنــــــا م الميَّه علشان تِخـْربهــــــــا بس احنا ناس اتعلمنـــــــــــا وعن حقـِّنا محناش غافليــــن ــــــــــــــــ طول عُمْر وادي النيل في أمان كل البلاد فيه مأمونــــــــــــــه في أرضنا بيجري الشريــــان والميَّه منه بتحْيينــــــــــــــــا من أول السد ف أســـــــوان ولحد دمياط والمينــــــــــــــا الزرع مبيبقاش عطشـــــــان فارش خَضَارُه ع الشطيــــن ــــــــــــــــــ واللي يحاول ف بـــــــــلادُه يقفل علينا الحنفيـَّــــــــــــه أو ينسى توقيع أجــــــــدادُه لما اتفقنا بجديَّـــــــــــــــــه ناسي اننا كنا اسيـــــــــادُه واحنا اللي جبنا الحُريَّــــه يبقـــــــــــى بيظـْلِم أولادُه إللي هيتمرمغوا في الطين ـــــــــــــــ دا اللي يجور على ميِّتنــا نقف له بالسيف والمدفـــع وقبل ما هيخـْرب بيتنــــا لازم بكرباج يتلســــــــوَّع وبدال ما هوّه يموِّتنــــــــــا ويصيع علينا ويتمطـَّـــــــع هنعرَّفـُه إيه قوِّتنـــــــــــــــا ونطـُولـُه لو كان قاعد فين ــــــــــــــ لاكن نبُص كمان لبعيـــــد ونراعي أبعاد أزمِتنــــــــا تعدادنا يوم عن يوم بيزيد واحنا بتزداد خنـْقِتنــــــــا لازم نبادِر بالترشيـــــــــد ونخاف كتير على ميِّتنـــا علشان تكـَفـِّي لما نزيــــد ونعدِّي فوق المِيت مليــون |
رد: معاهدة النيل بدون مصر
مساء الخير الأستاذ مسعد النحلة
كلماتك من الروعة والجمال ما يعبر عن الأزمة الحاصلة بسبب تقليص حصة مصر من مياة النيل ودول النيل المنبع == هل يمكن أن تدخل مصر حرب مع اسرائيل ودول حوض النيل من أجل المياه؟؟ تقديرى واحترامى |
رد: معاهدة النيل بدون مصر
اقتباس:
يتنبأ المحللون السياسيون أن الحروب القادمة ستنشأ بسبب مشكلة المياه خاصة في منطقة الشرق الأوسط .. فالمياه هي الحياه ومع تزايد تعداد السكان بشكل مخيف تتزايد معه الحاجة إلى مزيد من المياه .. ولك أن تتخيلي رد فعل دولة يحاول الآخرون منع المياه عنها أو تقليص حصتها .. أعتقد ( ياروح ما بعدك روح ) أشكرك شكرا جزيلا على تفاعلك مع الموضوع مع خالص التحية والتقدير |
رد: معاهدة النيل بدون مصر
تحياتي لك أستاذ مسعد النحلة. كل التقدير لكلماتك الجزلة الرائعة. يحاول أبناء القردة و الخنازير محاصرة مصر مائياً بالتحكم في منابع نهر النيل.. لكن للأسف تلك المخططات لا يقابلها أية ردة فعل مناسب من الجانب المصري الرسمي. أتمنى أن أرى مع كل الشعوب الحالمة بالحرية قريباً جداً موقف مصري حازم يرقى الى طموحات شعب مصر العظيم. مودتي |
رد: معاهدة النيل بدون مصر
قصيدة عامية جميلة
تناقش موضوعا مهما وحاسما ولكن لا تقلق أيها العزيز كل العلماء والباحثين أكدو أنه ليس باستطاعة أي مخلوق حجز مياه النيل عن مصر لأنهم وباختصار إن حاولو ستغرق بلادهم محبتي وتقديري شكرا بطول النيل |
رد: معاهدة النيل بدون مصر
اقتباس:
عندك حق فيما قلت ولكن اعتقد بعد ان اجتمع دول منابع النيل بدون مصر والسودان لتوقيع معاهدة مياه فلابد ان يتحرك الدولتين تحركات واسعة لدرأ الخطر قبل أن يستفحل شكرا لمشاعرك الجميلة مع خالص التحية والتقدير |
رد: معاهدة النيل بدون مصر
اقتباس:
ولكن الخوف من المشروعات التي تحاول اسرائيل وامريكا اقناع دول وادي النيل لبناء سدود قد تؤثر على حصة مصر التي تتضاءل كل سنة في مواجهة زيادة السكان والخوف الآخر أن نجد مصر ملزمة بقرار دولي أن تسمح بمرور مياه النيل عبر أراضيها لأسرائيل شكرا جزيلا لتفاعلك الجميل مع الموضوع مع خالص تحيتي واحترامي |
| الساعة الآن 37 : 09 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية