|
من غير دليـل .... ضياء الدين البري
السلام عليكم .. مجرد رأي
كلام من قلبي من غير دليل ........ هوّا انت مين .؟ وفْ نيتك توصل لفين.؟ عشان تجيب سيرة الحمير هوّا انت عشت فْ وسطهم.؟ علشان تزيد وتعيد كتير حاولت تقــْرب منّـهم.؟ وفهمت شيء من طبعهم.؟ إوعاك تفكر زيّهم.. لأنك انت عكسهم واقبلها مني وبلاش تلومني لأني عارف إنّـهم نسيوا الزرايب والطوايل والغيطان.؟ قلعوا البرادع والحوافر واللجام.؟ نسيوا السّـقِـيـّه م الترع.؟ خاصموا النهار واتعلموا فنون السهر وكمان لقيتهم أدمنوا نفخ السيجار مايـْهمّـش اللون والثمن دا أصل نوعه مفتخر ودول كمان صاحبوا الزمن ساعدوه علي جلب المحن وتقاوي طارحه كتير عطب زرعوها في قلوب البشر هرسوا المعسل ف العجير زرعوا الهباب جوّا الشعير بعد النجيله والدنيبه والحطب فجأه لقيتهم بدّلوا أكل النـُّخاله بالفطير من بعد خيش يدّاروا فيه ، وقت اللزوم عرفوا طريق شـُرْب الحشيش والبردعه متفصله من خيط حرير وتـْلمّعوا وتـْقمّعوا عالشط زاطوا ولعلعوا عايشين حياتهم أبـّهه سُـكـْر وحداقه وزهزهه والمرمغه فوق الرمال نسيوا وتدهم ع الحيار في الكارو سايـْقينـْهم عيال وفي الدواره ع الـمدار وعالنوارج يأدّبوهم بالشِّـعَبْ نسيوا الشقارف والمحشـّه والبـُلط ناف السواقي والغما ملـْس القنايه والشادوف حرقوا الكمامه والعمامه وفلانكة الطنبور دفنوا النهيق جوّا القبور واتعلموا فن الخُـطب داسوا الكواكب في السما نسيوا المناجل والرّوال فوس الشراقي والوتد والمدْره والمحرات وإمته يكون ، وقت الحصاد قلعوا خلاص زعب الغبيط دول نسيوا حتي إسم غيط يبقي انت ليه.؟ من غير دليل بتقول كلام يشغل قلوب ، والشك فيه ياعم داحنا اشبعنا لوم عايز نهارنا يبقي ليل.؟ والليل وراه تيجي الغيوم.؟ عصافير وننسي الزقزقه.؟ والخيل يبطل دقدقه.؟ ماكفايه حقد ع الحمير أصل الحياه ، مش ناقصه زوم والشمس طافشه م الهموم دول حلف عايش خندقه مملكته حلوه محندقه عايشين حياه مترستقه ويّـا الديابه والتعالب والقرود حتي الجوارح والزواحف والفهود بـس الأسود جوّا الحديد ، متلجمه وكتير صحاب من كل لون أصل الحياه متقسمه نرضي الإله ، كله يهون ......... أشكركم وللجميع تحياتي |
رد: من غير دليـل .... ضياء الدين البري
السلام عليكم ورحمة الله تعالى وبركاته
أهلا شاعرنا الزجال الفاضل " ضياء الدين البري" جميلة فلذتك " من غير دليل " فنحن سيدي الكريم لا شك في عصر الحمير ..نقلتنا هذه الزجلية الرائعة إلى واقع مر نعيشه الآن حيث ساد الوضيع وهمش النبيل صاحب المبادئ فماذا عساي أقول أيها الحبيب فقصيدتك الرائعة كشفت كل هؤلاء الذين يشوهون براءة وفطرة شعوبنا الطيبة التي تحب الخير فنسأل الله اللطف والعافية شاعرنا الفاضل من عصر الفتن وعصر الأحمرة ونهيقهم الذي ملأ الدنيا وشغل الناس وألهاهم ..مرمزتك واقعية تعكس نبل معدنك الطيب أيها الشاعر الراقي أين الأسود في عصر الحمير سيدي الفاضل شكرا لأنك كشفت عورة الواقع المر أيها الرسالي النبيل .. تحياتي لقلبك كما قلمك اليقظ أيها الحبيب |
رد: من غير دليـل .... ضياء الدين البري
أخي الزجال المحترم، قصيدتك رائعة ومعبرة،
وأحب أن أهديك هذه القصيدة الزجلية المغربية أتمنى أن تروقك. يومنا يومنا ما يسر الناظر ما يطمئن البال والخاطر اصبح فيه الإنسان قنبلة ينفجر يرمي نفسو في البحر ينتحر كلشي باغي يهاجر يومنا النفس فيه ارخاصت اتبعات بقليل من الدنانر اصبح فيه الأب بشرف بنتو إيخاطر الإبن يقتل باه أو بميمتو إيباشر ياربي برحمتك نترجاك تبادر يومنا الحق فيه حطموه بالحصار جوعوه يومنا الحق فيه انعدم الباطل فيه اتراكم الحق والصدق فيه اتخاصم لكذوب والباطل تعانق وتوالم يومنا القرقوبي والمخدرات اقضى على اعقول لوليدات خلاهم شوهة في لقهاوي والكباريات يومنا اكثر فيه الأمهات العازبات يومنا يوم ما هو واضح يومنا قاصح امقصح فيه لقمة الفقير ما تكفي ما تفرح. تحياتي وتقدير للزجال المصري. فتيحة الدرابي |
| الساعة الآن 00 : 08 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية