|
جوزونى غصب عنى
عايزين يجوزونى غصب عنى
عايزين يجوزونى غصب عنى ووافقوا هما من غير ما ياخدوا الرأى منى ولا حتى سابونى أسأل عليه وكأنه شيئ موش هاممنى ولا هو من حقى واذاى يكون اهتمامى بيه وانا موش عارفاه ولا هو كمان عارفنى والده ووالدى حط ايده فى ايديه وقال انا طالب منك ايدها لابنى ووالدى وافق عشان فى شغله هو البيه ومن مره واحده كان فيها شافنى بص لجمالى واحلويت فى عينيه ومن يومها مصمم لابنه ياخدنى قلت يا والدى طب سيبنى افكر ذهق عليّه وقال كدا دمى حيتعكر انا خلاص اتفقت ويا البيه وبعد الجواز كل شيئ حيتدبر وساعتها يا بنتى حتحبيه ولازم تطاوعينى لما أأمر وفى الآخر وقع الفاس فى الراس واتجوزت ابن البيه وباشتكى لكل الناس من المر اللى معيشنى فيه ليلاتى فى سهر ويا اصحابه وما يرجعشى غير فى الفجريه وكل يوم بيضيع منه شبابه فى الليالى الحمره الورديه وعمال يتطوح وفى ايده الكاس ويقوللى يا حببتى غنيلى شويه غنى لأضربك بالمداس وينزل بيه بالضرب علّيى ومن يومها عايشه معاه فى عزاب وما شفتش وياه يوم حنيه وده درس بقوله لكل الناس عشان ما يجراش ليهم اللى جرى ليّ وانا مفوضه امرى الى الله واقول يمكن ربنا يهديه ليّه وكل اب يجوز بنته يكون الرأى ليها هيّه ذى ما تقال فى كتاب الله والشرع وفى السنه المحمديه ******************* |
رد: جوزونى غصب عنى
الشاعر المحبوب شوقي غنيم رسالتك هادفة أتمنى أن تصل إلى آدان كل الآباء الذين يزوجون بناتهم غصبا عنهن . أعجبت بخاطرتك وهي عبارة عن قصيدة زجلية أحببتها كثيرا وقد أعدت قراءتها عدة مرات . تحياتي وتقديري أيها المبدع الفنان.
|
رد: جوزونى غصب عنى
شكرا اختى فتيحه على المشاركه
تحيتى وتقديرى لكِ وعيد سعيد |
| الساعة الآن 05 : 11 AM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية