منتديات نور الأدب - يكفي عذاب مصافحة اولي السلام عليكم ورحمة الله

يكفي عذاب

هم سكن قلبي تعنى لي وسيـر مدمعـي
والوقت شتت خاطري ولا تقويت أجمعـه
واحزان تجفل بي وتبعدني عن اللي باضلعي
صوته يخاطب مسمعي ولا اني قادر اسمعـه
ما ادري على نار الجفا ناوي تحدد مصرعي
يوم اتجاهل ما مضى بيني وبينـك تقطعـه
يكفي عذاب يكفي ألم شمت فيني موجعي
لا انا لهجرانك هويت ولا تعمدت اتبعـه
أين الخفوق اللي ولو سهواً تأشر اصبعـي
يفز لي واقول شكراً بس ما اقـدر اقنعـه
يحن يزرع بسمته في ناظري فـي مرتعـي
ويشب في وجهي بكاء إذا تماديت امنعـه
صبري على جرح تربص بي وهدم موقعي
من بعدكم مالي أمـل ولا أفكـر أرقعـه

صالح العجمي
اسمع خالد عبد الرحمن في اغنية ليش العتاب وطبق النص بصوتك اهداء خاص لمن مر من هنا http://www.youtube.com/watch?v=4XjB8...eature=related