اسمع يا السامع
 

اسمع يا السامع واروى لحديث
هذا كلام من القلب طالع
ما غير مكتوب في الديوان والأنترنيت
واقع فيه اتحطيت
بيه لنفسي ولنفسك ما ارضيت
باش نعيش
حاولت نخدم بكتافي ما كديت
حطيت الشواهد كدامي واشحال ابكيت
على ليام اللي عليها فنيت
عمري ضاع ف اجري وما دريت
وجدت نفسي في الربعين
لا خدمة لا زوجة لا بيت
اعييت اعييت اعييت
حتى باب ما خليت
بدبلوماتي وشواهدي ما سويت
عوض ما نترقع التليت
كيف كان طموحي وكيف وليت
وليت كالس في عتبة البيت
محبوس ومهووس
حتى اصحابي اللي اوقف معايا اليوم غدا يسوس
حيت جيبي خاوي من لفلوس
كالوا لي دير راسك وسط الريوس يا هاد المنحوس
لكن أنا ماشي منحوس
ازماني اللي منكوس
ازمان الحرب والطوفان وقتل النفوس
ما كاين غير اعفط أو دوس
حتى الغرب اللي بيه اشحال اتغريت
صبحت عندو أزمة مالية
وعلى رغبتي في الهجرة اتخليت
كيف اندير
الهيه اتحطم فيه حلمي اللي بنيت
وفي ابلادي الصبر اتعديت
كولوا لي
واش انعمر بلاد الغرب اللي فيه تهانيت
من القمع والعنصرية عانيت
ولا نكلس ف بلادي
ويكفيني الخبز والزيت
لكن أنا قريت ووعيت
كون بقيت جاهل كوراني تعاميت
نخدم خماس وما نكول عييت
لكن أنا حلمي ليه شحال تسنيت
وما زال نتسنى وعليه نكافح
حتى انعيش كيف ابغيت.

رد: اسمع يا السامع
 

[align=center][table1="width:95%;"][cell="filter:;"][align=center]هي معاناة الكثير من حاملي الشواهد في البلدان العربية و بلدان العالم الثالث بصفة عامة، عبرت عنها بلسان مغربي فأجدت التعبير أخت فتيحة.
لك تحيتي[/align][/cell][/table1][/align]

رد: اسمع يا السامع
 

الحبيبة نصيرة تختوخ أسعدني مرورك تحياتي ومودتي

رد: اسمع يا السامع
 

الأخت فتيحة ,, للأسف هذا الواقع ,,وأنا أرى بصوتك الأنثوي معولا ً , يهدم وثنية هذا الواقع فلتكتبي يا أختاه
أختي هل المقصود بالكالس = الدهان , والدوس = الوضيع
أرجو شرح المظلل بالأحمر
وحبذا لوا تبدأين بزاوية , أو ركن ما ,, لشرح بعض المفرادات العامية المغاربية , ومقارنتها بالمشرقية ,,
لسهولة الفهم , ودمت يا أختي
أخوك حسن

رد: اسمع يا السامع
 

أخي العزيز سمعون أشكر لك على اهتمامك بالقصيدة بالرغم من أنك لم تفهم بعض الكلمات في اللهجة المغربية وهذا يزيدني اعتزازا بك وبقدراتك الأدبية الخارقة .
إليك أخي شرح الكلمات وهذه الملاحظة سأصحبها مع كل قصيدة إن شاء الله لتسهيل الفهم عليكم أنتم الشرقيين، وهذا يسعدني.
ما نََتْرقًَعْ - التغير من الحسن إلى الأحسن
التَلِّّيتْ - تأخرت
كالس - جالس - نحن المغاربة نقول كالس بثلاثة نقط على الكاف g naglasse
دوس - يضربه بقدمه
نكلس - أجلس - naglasse
كوراني - أنا. يعني لو أني لم أتلق تعليما لتجاهلت الواقع
أظن أني قربتك من المعني .
تحياتي الخالصة

رد: اسمع يا السامع