|
النعمة فاقت حدها / للشاعر أحمد فؤاد نجم
النعمة فاقت حدها
للشاعر احمد فؤاد نجم ويرردها ثوار ميدان التحرير نظرا لأن النعمة فاقت حدها ولأننا مش قدها ولأن فعلا إنجازاتك فوق طاقتنا نعدها ولأننا غرقنا فى جمايل مستحيل حنردها نستحلفك....... نسترحمك نستعطفك....... نستكرمك ترحمنا من طلعة جنابك حبتين عايزين نجرب خلقة تانية ولو يومين اسمع بقى إحنا زهقنا من النعيم ونفسنا فى يومين شقا عايزين نجرب الاضطهاد ونعوم ونغرق فى الفساد بينى وبينك حضرتك دا شعب فقرى ما يستحقش جنتك أنا عارفه شعب ما ينفعوش إلا شارون وبلير وبوش عايز يجرب الامتهان ويعيش عميل للأمريكان بيمد «غازه» لإسرائيل ويومين كمان ويمد نيل أهو يعنى نشرب ميه واحدة ندوب فى بعض ماء وماء وماء ونفض سيرة الانتماء وبلاها نعرة وطنطنة تبقى البلاد «مستوطنة» (متسلطنة بالسرطنة) إيه اللى خدناه م الكرامة والإباء حبة خطب وكلام... كلام إحنا راهنا على النظام ورضينا بخيار السلام (بخيار) حنسد عين الشمس بيه علشان ما يطلعش النهار ويطلع لمين؟ حبة معارضة مغرضين؟ وحسب بيان السلطة شلة مأجورين؟ ياعم فضك سيرة وارضى بقسمتك دا شعب مش فاهم أكيد يالا اطرده من رحمتك وإن كنت غاوى الحكم خليك مطرحك حاغطس وأقب وأعود بشعب يريحك راضى وعمره ما يجرحك أخرس وما يسمعش وأعميلك عينيه مش كل قرش يبص فيه ما يقولش لأه، وفين، وليه يضرب ينفض فى السليم وعلى الصراط المستقيم كل اللى يعرف ينطقه عاش الزعيم يحيا الزعيم |
رد: النعمة فاقت حدها / للشاعر أحمد فؤاد نجم
الأخ عبد الحافظ
قصيدة الشاعر أحمد فؤاد نجم جد رائعة و لو كنت في الميدان لرددتها مع بقية المرابطين يا رب ثبت خطاهم تحياتي و تقديري |
رد: النعمة فاقت حدها / للشاعر أحمد فؤاد نجم
رحم الله رفيق دربه الفنان المتمرد على القهر في المطلق عبد المطلب ليغني ثورة النجم الشاعر أحمد فؤاد وتسطع الكلمة الحرة من ميدان الثورة والتحرير وسيسقط الفرعون عاجلا أو آجلا وتقطف مصر الثورة النصر ولا شيء غيره ..
تحياتي لك ولشاعرنا المحترم النجم |
رد: النعمة فاقت حدها / للشاعر أحمد فؤاد نجم
هذا هو نجم .. النجم الحقيقي لهذا النوع من الشعر وملك العامية المصرية .. تحية لك استاذ عبد الحافظ على حسن اختيارك ..
|
رد: النعمة فاقت حدها / للشاعر أحمد فؤاد نجم
[align=center][table1="width:95%;"][cell="filter:;"][align=center]هناك من المبدعين من يخلدون أنفسهم بكلماتهم القريبة من الواقع الذي عايشوه ، يعبرون عن رؤاهم و عن غيرهم ممن قد تخونهم الكلمات.
اختيار موفق أستاذعبد الحافظ [/align][/cell][/table1][/align] |
رد: النعمة فاقت حدها / للشاعر أحمد فؤاد نجم
[align=center][table1="width:95%;background-color:white;border:2px groove green;"][cell="filter:;"][align=center]شكرا للاختيار الراقي استاذنا الفاضل
تحيتي [/align][/cell][/table1][/align] |
| الساعة الآن 01 : 05 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية