|
مصر ام العجب للشاعرة فاطمة مرسى
مصر أم العجب
للشاعرة المصرية فاطمة مرسى مصر دي أم العجب مش بس أم الكون عندها قوة تحمل صبرها على كل لون رغم التحدي اللي ف عيونها تختزل كل الألم في نظره منها أو في طيبة قلبها بتداري ضيمها لكن .. ياويل اللي يفكر يوم يهينها آه يا طول بالك يا مصر ازاى قدرتي تصبري على كل ده النظيف لوث تاريخه بحق ابنك ساب اللي رايح واللي جاى يحكم ف أمرك الحبيب عمره ما حبك قام وروع أمن أهلك يقتل الأطفال بإيده خدمه خاصه لأجل سيده الشريف يطعن ف شرفك واهب حياته لقهر خجلك وانتي شاهده مليارات تاهوا في عددها كلها من دم شعبك رفعوا بيها عزهم وداسوا عزك وانتي فاهمه هشموا راس اللي حبك والعلل طلعت ف قلبك الغريب أصبح قريب جاى يتاجر باسم حبك فوق كتافك يبني مجده ياما شربوا نخب إذلالك وضعفك وانتي صامده يا جمال صبرك يا مصر كل فتره تعليمينا تفهمينا وبهدوء تدينا درس يعني إيه معنى الكلام لما تقولي إن انتي أم |
رد: مصر ام العجب للشاعرة فاطمة مرسى
ياااااااااه وصف رائع لمصر وضعت إيديها على مواطن قوة أم الدنيا بالظبط مرة أخرى اختيار موفق جدًا تسلم أ. عبد الحافظ وتسلم الرائعة كاتبة القصيدة فاطمة مرسي |
رد: مصر ام العجب للشاعرة فاطمة مرسى
مرة أخرى أكرر شكرى أستاذة وعيق تقديرى لروعة حرفك وشاعريتك وحسك الجميل
كل محبتى وعظيم تقديرى |
| الساعة الآن 28 : 03 AM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية