منتديات نور الأدب

منتديات نور الأدب (https://www.nooreladab.com/index.php)

- فضاءات الزاجل والنبطي والشعبي (https://www.nooreladab.com/forumdisplay.php?f=56)

- - اصحايبي (https://www.nooreladab.com/showthread.php?t=20073)

اصحايبي عاشرته سنين
وعشت معاه اعمر
بغيته بحال نفسي واكثر
كنت ديما معاه
في البرد وشد الحر
معاه نتونس ونحكي السر
اصحايبي تغريت فيه
وكان ف طبعه امزور
قابل خيري بالشر
افتحت له بيتي
قربته مني واهديت له
مشموم الورد وازهر
كملتها بالحليب والتمر
اصبح يتهدى فيه ويتمخطر
ادخل بحال السوسة
ابدا ينخر
قلعني من اجدر
نوى على لغدر
ما كنت عارف أنه حامل معاه خنجر
ناوي يطعني من الظهر
فعايله معايا
ما الطيح لك ف البال
ولا على الجن تخطر
إلى تكلمنا ساكت ما يهضر
ما تعرف آش ف راسه
ولا كيفاش إيفكر
سره ما تعرفه
ولا عليه تقدر
سمه سم اللفعى ما يظهر
ضارب الطم وف قلبه يتشحر
ناره مغطيها الرماد واجمر
قلبه اقصح من لحجر
ضربته ما تبين العلامة
لكن تعكر
قربته مني
وبإيدي حطيت العافية ف لحجر
ما ينفعني غير الصبر
مع غدار يعرف كيف يحفر.

----------------------

بحال = مثل
يهضر= يتكلم
يتشحر = يطبخ
تعكر = اكاف فوقه ثلات نقط = تؤلم
العافية = النار

رد: اصحايبي

قربته مني واهديت له
مشموم الورد وازهر
كملتها بالحليب والتمر
اصبح يتهدى فيه ويتمخطر
ادخل بحال السوسة
ابدا ينخر

نعم يا أستاذة فتيحة هذا ما يحصل
نثق ونضع كل ثقتنا بالآخر كون الصحبة لا تهون
ولكنها تهون وتهون وتهون

قصيدة على الوجع يا حبيبة
دمت ودام حسك بالدنيا غاليتي

رد: اصحايبي

عزيزتي أستاذة ميساء ، روحك المرحة أشمها في فنجان القهوة وأتدوق عذوبتها في ردودك الصادقة ، تحياتي الخالصة.