|
حرب الـــــــــــــطرقان .
حرب الطرقان يا الشاد الطريق لا تكونشي غافل احضي راسك مزيان وكون رزين وعاقل راه الطريق إلى ما عطبات تقتل قبل ما تشد الطريق شوف البرد فالروايض واش كافي وعنداك تنسى الرويضة سكور والبوطة لتطفي لعوافي . قلب نيفو دزيت دلمطور وبدلو إلى اقدام إلى بغيت اتهلا فمطورك ويزيد بك لقدام وقلب زيت دلفران وجرب لفران أمان راه الطريق غدارة وما فيها أمان ولا تنساش الما و الرادياتور إلى بغيتي تحافظ على المطور وجرب ليسوي كلاص والفار والكود والسينيالات إلى بغيت تشوف وتشاف وتنجى بنفسك من الآفات . ويلا ركبت ، ربط حزام السلامة وياك تتكلم وانت سايق فالهاتف النقال لا ترجعلك فعايلك بالندامة . واحترم إشارات المرور وحق الأسبقية لا تولي معطوب ولا من أصحاب القبور مابين اصباح وعشية . ورد بالك لاتسرع بسيارتك وتبغي بها اطير واترجع سيارتك سلاح فتاك واقبرليك ولحبابك من الحديد والقزدير سمع ياالسايق كلامي وحاول تفهم ما تسوقش سيارتك إلى مقلق وطالع ليك الدم بارك ما تزيد لبلادك هم على هم والى عييت أوقف تستراح بارك علينا من قتل وإعاقة وجراح بارك علينا من حرب الطرقان شحال ادات من عزوغلى الناس ما تميز مابين شيوخ واطفال وشبان لو كان ضميرنا كان علينا عساس ماكانتش تجرى كل هذ المصايب ولمآسي من ويلات حرب الطرقان ماذا ناس اتعاني وتقا سي وماذا كلفات لبلاد من عباد ومال وعتاد بارك علينا من حرب الطرقان وخليونا انعيشوا فأمن وأمان بارك علينا من حرب الطرقان (3) . بالبيضاء . بتاريخ :21/08/2005 . |
| الساعة الآن 50 : 08 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية