منتديات نور الأدب - عـــجــــبـــي ! " علاء فارس"

عجبي!
بقلم علاء زايد فارس

أول قصيدة باللهجة العامية أنشرها عبر الانترنت أضعها بين أيديكمْ:-

https://fbcdn-sphotos-f-a.akamaihd.n...ca3346b2ba61ae

عجبي على أخوينْ همهمْ واحدْ
واحدْ من الاتنينْ
تحت الدمار بيعيشْ
والتاني على دمِّ الأخِ المهدورْ شاهدْ
ليهْ سيبتني للموتْ
ليهْ شمتِ فينا العدوْ الحاقدْ؟؟
ليهْ يا أخي تغدرْ أخوكْ
تنسَ دمو ودمْ أبوكْ
ثارْ جدكْ
رحتِ تجري من ورايَ ركضِ لعدونا تعاهدْ

عجبي!
عجبي على غدر الزمنْ
عجبي على شعب مكلومْ
تحتِ احتلالْ بيعيشْ
صارْ الشعبْ شعبينْ
والحزبِ صار حزبينْ
مكترْ وزارات الوطنْ
مكترْ قررات الوزيرْ إلي تسمُّ البدنْ
وحياةَ أبناءِ الوطنْ
صارتْ بإيديهم سَكَنْ
عجبي!!

عجبي على العُرْبانْ رقصوا على دمِّي
ما همهمْ أطفالْ تحتِ الردم ماتوا
ما همهمْ همِّي!
عجبي عليهمْ حبسوا السلاح عني!
لمَّاْ اتصلْ فيهمْ عمْ سامْ
تجهزتْ الجيوشْ..
رقصوا رقصْ
غنوا غنا
عمْ سامْ يا عمِّي!
نفديك بأهلِ غزةْ...
دمّكْ متلْ دمي !
إرضا عليَّ
رضاكْ طلبي ومنايَ ومنتهى همِّي!
عم سام يا عمي
الي يرشك بالماي، رح اقتلوا بسَمِّي!
عم سام يا عمي..
ارضا عليَّ فداكْ كلِّ الوطنْ
يا أغلَ منْ روحي ومنْ شعبي ومن إمي!

م. علاء زايد فارس
17/10/2014م