|
مهما عني غِبت في يوم راح ترجع !
لا أعرف وأنا التائه أين أضع هذه الخربشة وهي باللهجة البدوية كتبتها منذ زمن وهي مثل مثيلاتها في طي النسيان
أردت إراحة قلبي " المنفوخ " بوجع السياسة الهروب لفترة او للأبد .. أضعها هنا أو إلى المكان الذي يراه المشرف مناسبا حتى لو إلى " شتات " مهما عني غِبت في يوم راح ترجع ________________________________________ مرت عليّ بقسوة الأيام بطول لياليها ! لا خِبرت عنك ولا عن غيابك خبّروني لا سؤال منك ولا حتى كلمة وداع ؟! تهرب ، تمشي، وتتركني بضياع !؟ يا قسوتك ! يوم قلت وما صدقتك : يمكن ما نلتقي طول العمر يوم إلا إن شاء القدر! : مفجع والله وأكثر من حزين نفترق من بعد عِشّرِة سنين في حيرة يا أنا ! وأنا سرّي الأنين ابكيك ؟ لا ما أبكيك رغم كل الحنين أنا بصبر على القهر ! من يوم ما عرفتك كنت متأنق ومغرور .. لكنه في الصباح وجهك كل يوم سرور صدفة ، أو انك كنت تتقصّد ! وظيفتك بعد جامعتي بساعة وقبل ساعة في موقف بنايتنا تكون شو اللي تغيّر ؟ وانا كنت مثل مريض مهووس أزيز باب بيتكم كان يخبرني بقدومك قبل سماع خطواتك انتشي بريحة عطورك وقبل سماع الهمس همساتك تخونك ! كنت تحكي مع نفسك ؟ بعدك صغيّر! أو انها إحدى هواياتك؟! : كنت اشوف عيونك اتصبّح قبل ما تمشي رغم صغر المرايا بسيارتك لمخلوعة وجهي ما كان يغيب عن نظراتك كل يوم ، كل يوم .. وسنين مرّت والجامعة كنت اتمناها في يوم ما تخلص .. ! حتى العطل كنت أكرهها بالبيت تحبسني ، وأنا تعودّت كل يوم ادّلع وانتظر بحضورك باصي واتأفف ، أصطنع الضيق ،انه تأخر! والحق .. تريد الصدق كنت اتمناه الباص دوم يخرب ! وانت ، حين تمرّ جنبي مثل عادتك ، تمشي بهدوء ورصانة ولما كنت تقترب مني تلقي التحية بصوت واضح ورزين وانا مثل عادتي أتجاهل ردّ الصباح وادير ظهري وابتعد عنك بس القلب .. والله كان مسرور منك ما كنت تعرف انه بصدري كان يندهلك ؟ وأنت ما كنت تملّ من التكرار ترفع يدّك وتشاور لواحد من حيطان الدار تحييه وتهمس وتقول: في يوم راح تنطق ! في يوم راح تحكي من الوجع غصب عنك ! واليوم !! اليوم الصورة تغيرت يا بعدي صرت اسال أنا عنك والفكر محتار وين مسافر وتاركني لمين ما ظل مين ، ولمين اشتكي من بعدك .. ما عاد لي إلا الوهم والحكي مع مع نفس الحيط ! لكن .. المشكلة يا عيون قلبي كبّرت يمكن انا جنيت أو انه العمى طال قلبي صار الحيط .. هو ما غيره ! اللي كنت تصبحوه قال شو .. انه اشتاق لك وصار يسألني كل ما مريت بجانبه كل يوم عنك ! قال راح ينفجر من الشوق بس خايف لينهدّ البيت على اللي ساكن فيه .. لأن قال هو يعرف ، قديش كنت تحبني ! وانت ، انت ما ترجع !؟ |
رد: مهما عني غِبت في يوم راح ترجع !
ولا رح يرجع، وما كذب مين قال الهوى غلاب
ياما كتبنا سطور، ومن لوعة الشوق تعبت الدفاتر وقلنا مصيرنا نلتقي بيوم!! ورقنا تغيرت ألوانه، شاب الشعر، وما التقينا وبعدنا على نفس المفرق، ناطرين،، الأمس يرجع خُبل (هبل) يا أهل الهوى مين قال الماضي بتنهيدة يعود، واللي رحل ممكن يعاود ذكرنا ويرجع لملقانا من جديد أ.رأفت لا أُتقن البدوية،، لكنني استعذبت بالقراءة تحيتي |
رد: مهما عني غِبت في يوم راح ترجع !
استاذتي الغالية عروبة أسعد ربي أوقاتك بكل الخير طالما استعذبت القراءة اقول أن هذا شيء سرني .. أديبة تحمل ثقافة كثقافتك كلمتها شهادة يا سيدتي الشكر لك والتحية والاحترام |
رد: مهما عني غِبت في يوم راح ترجع !
شو ؟؟؟
هذا كتير هلقد أخي رأفت ذكرتني بأغنية " لا تبكي يا ورود الدار " حلوة جدا وكيف تغير مسارك بعدها ؟؟ رائعة جدا يسلمهم ربي اللي كتب الخاطرة واللي انكتبت فيهم الخاطرة |
رد: مهما عني غِبت في يوم راح ترجع !
يسلمك ربي ويحفظك ويفرح قلبك بكل ما تتمناه نفسك يا سيدة ميساء بنت البشيتي
استاذتي الغالية الأديبة المرهفة شكرا لك .. وخلاص أنا وضعت نجمة على هذه الخربوشة لأنها نالت رضاك لك التحية والتقدير والاحترام سيدتي |
| الساعة الآن 43 : 10 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية