|
أمثال فلسطينية
أمثال وحكم من فلسطين
# طب الجرة على تمها بتطلع البنت لأمها الضرة مرةة ولو كانت قرعومة جرة # احترنا يا قرعة منين بدنا نمشطك # اللي ما بيقدر على مراته يقدر على حماته # من حين لحين يفرجها رب العالمين # حظ العفنات بالحفنات # الصياد بتقلى والعصفور بتفلى # كان على القفة صار على ودانها # الخبز الحاف بيعرض الكتاف # متل طولان حيفا # متل الشمعة بلا ضوء # إن عاب إصبعك إقطعه # نقطة في بحر # مش كل مرة بتسلم الجرة #أربع صنايع والبخت ضايع # تيتي تيتي متل ما رحتي متل ما جيتي # لا تقل فول لتحط في العدول ولا تقل عنب لتحط بالسلة # فولة ومقسومة # الجمل لو شاف حردبته لوقع وانكسرت رقبته # اللي ببطنه عظام بتكركع # إبن أربعة ربعوه وإن ما قعد طبعوه # عيار الشبعان أربعون لقمة # الأكل في الشبعان خسارة # الشبعان يفت للجوعان فت وني ( بطيء ) # من وفر غداه لعشاه ما شمتت فيه عداه # كُل أكل الرجال وغب غب الجمال # طول عمرك يا زبيبة بقفاك هالعودة # اللي بياكل لحاله بيزور واللي بيطلع بعينه بيعور # النسوان شبكة # تقول للقمر غيب لأجلس مكانك # شو بدو الأعمى قفة عيون # تسمو بقدر ما تعطي لا بقدر ماتاخد أنت في الحياة # بشاشة الوجه أجود من سخاء الكف # متل الطقعة بالزفة # واحد حامل ذقنه والتاني تعبان فيها # قاعد بحضنا وبينتف بذقنا # لما ينور الملح # انقعها واشرب ميتها # اللي بياكل الحصرم بيضرس # المخنوق ما بيخاف من شد الحبل أو جرة الحبل # كتر النقار يؤدي للإفقار لنا لقاء آخر لتتمة الأمثال الفلسطينية تم نقله من تجميع الأستاذة إلهام عبدالله السيد شفاها الله |
رد: أمثال فلسطينية
الله يذكّرك بالشهادة ، أمثال حلوة
|
رد: أمثال فلسطينية
الأستاذ يمن / حفظك الله ذَكَّرني الله وإياك بالشهادة هذه الأمثال وضعتها هذه السيدة الرائعة الأستاذة إلهام السيد التي أصبحت من شهر رمضان الماضي في ذمة الله ويبقى للإنسان عمله رحمها وثبتها عند السؤال |
رد: أمثال فلسطينية
اقتباس# طب الجرة على تمها بتطلع البنت لأمها
الضرة مرةة ولو كانت قرعومة جرة عندما ينكسر شيئا من آنية الفخار يطلق عليها القرقومة للمؤنث الجرة والشربة والزبدية والقدحية وغيرها والقرقوم للمذكر مثل الأبريق والزير والمعلاط والكعكوز، وغيرها من أدوات الفخار ، وما لا يغيب عن البال وانما هو خطأ مطبعي يحدث معنا جميها عشرات المرات شكرا على الموضوع الطيب وتقبلي تحياتي الداعي بالخير صالح صلاح شبانة |
رد: أمثال فلسطينية
اقتباس:
الأستاذ صالح جعلك الله من الصالحين دائماً مشكور على تصحيحك المعلومة لقد تم نقلها من كتاب الأستاذة المغفور لها إلهام السيد وربما كان الخطأ مطبعي كما تفضلت حضرتك جزاك الله خيراً :sm240: |
أمثال فلسطينية
أمثال فلسطينية http://www.sa3eka.com/file2007-5/pic/Pal.gif أمثال فلسطينيه عاشر المصلي بتصلي وعاشر المغني بتغني لو كان الزلام بشواربهم لكان الصرصور أزلمهم صار للشرشوحة مرجوحة ولأبو بريص كبكاب إذا كولنالها اطبخي بتكول مريضه بس اذا كولنالها تعي كلي بتكول وين معلكتي العريضة كوم حجار ولا هالجار لولاكي يا جارتي لفكعت مرارتي سمره ونغشه ولا بيضة ودفشة الجوز رحمة ولو كان فحمة عندك عيش وعندي عيش وفراغة العين ليش ؟ |
رد: أمثال فلسطينية
اقتباس
# كُل أكل الرجال وغب غب الجمال الحاجة ناهد شما ، بعد التحية، انا لا احب عادة التعليقات ، ولكنني للمرة الثانية أجد نفس مضطرا للأيضاح ، والمثل الصحيح كما ورثناه عن الأباء والأجداد هو غب غبات الجمال ، وقوم قبل الرجال ، مع ان المثل يتعارض مع الوصايا الصحية التي تحض على التأني بالأكل والمضغ الجيد ليريح المعدة ولا يرهقها ... الا أن للعادات حسابات أخرى أهمها ان لا يكون الأخير على المائدة لأن ،( ما بظل على تالي المذاود غير هروش البقر) ، ولأن ما الممكن تشبيه الأنسان بالجمل ، ويصعب تشبيهه بالبقر ، قد يكون لهذا المثل جذور من الأعتقاد ، والله أعلم...!!! لكِ التحية استاذتنا الكريمة وأكبر بكِ هذا الأهتمام الكبير الداعي بالخير صالح صلاح شبانة |
| الساعة الآن 43 : 05 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية