منتديات نور الأدب - فايف..إستارز..

فايف إستارز..
وجع قلبنا..الله..يوجع قلبه..
مين ؟
البطريق..
بطريق مين يا عم..اللى حيجى عندكم..
دا عايش..في القطب الجنوبي..
أنا ما أقصدش البطريق..البطريق..
إنما اللى شبه..البطريق..
قصدك ؟
أيوه هوه..بعينه,
عمل ايه؟
صدع..دماغنا, وركبنا..الحيرة,
وخلانا نضرب..أخماس فى أسداس,
ونتظاهر..ونرفع..قضايا..
ونختلف مع بعضنا..مائة خلاف..
يشخشخ..لنا جيبه,
علشان..يسرق الكحل من عنينا,
وسرق الكحل.. من عنيكم..؟
فشر..
دا إحنا..كنا.. قطعنا إيديه..
إنما لسة.. بيحاول..
إزاى..
بالحروكة..والسهوكة..والهدايا المسبكة..
هوه بنفسه..
لا..
حاشيتة..شغالة ميت فل وأربعتاشر..
شغالة في..أيه..
زى ما قلتلك.. مع الإعلام والصحافة..
والقنوات الفضائية..
علشان..أيه..
علشان يسوا..الموضوع..
موضوع أيه..؟
موضوع الكحل..أنت نسيت ولا أيه..
لا أبدا..سرحت بس.. في..الهدايا..
..أكيد..هدايا..كتير.. وقيمة..
ما أخدلكش. واحدة..
قصدك..هدية..
أيوة..
طيب آخد إزاى..وأنا في الإتجاه المعاكس..
فلوسهم كتير..ومش ممكن.. حيدوروا..
أيوة.. فلوسهم كتير..
وعاوزين يشتروا بيها..اللى حواليهم..
وأنا طبعا..ما ببعش نفسي..
أوووم..عارف..عارف..
فلوس البترول..فلوس بالكوم..
وبجميع العملات..
بتتبعزق..يمين..وشمال..
ولا حد بيسأل..ولا حد بيحاسب..
وإحنا مالنا.. ياعم..
خلينا في..اللى إحنا فيه..
ماشى..
شغالين طبعا..بالدولار..
وانت عارف..الدولار..بيعمل حاجات..كتير..
أنت..ح تقول لي..
بيعمل الصح..خطأ.. والخطأ..صح..
وطبعا الصحافة والإعلام..بيشتغل..أكثر..
كلما قبضوا..أكتر..
الصحافة والإعلام.. بس..
لا..طبعا..
اكيد..فيه..غيرهم..
وكله..بتمنه...
على رأيك..
البترول..بيعمل..العجايب..
مش بيقولوا عليه..الذهب الأسود..
أيوة..ذهب..مع الذهب..
وإحنا..ذهبنا..مع الريح..
يا ريته إقتصر..على الذهب والفضة..
إنما دا..خلى..الإبل..اللى هى..إبل..
نجوم..فايف إستارز..
مثل..نجوم..هليود..
لا بل.. مثل..نجوم..المافيا..
على..قولك..
مش.. ح نختلف..
أهو..كلهم..نجوم..
كلماتي وبقلمي..
محمد جادالله محمد الفحل