|
دْموع الْحَجِّه زينب
[frame="2 10"]
من حكايات أبو توفيق باللهجة العامّيّة الفلسطينية كانَتْ إمّي الحَجِّه زينب في يوم مْنِ الإيّام قاعْدِه تْمَشِّط شَعرها..فُتِتْ لعنْدْها وِلاّ هي بِتْغَنّي : نِزِلْ دَمْعي يَمَّه على خَدّي حَرَقْني وُمِثْل الزّيتْ في المِقْلى يا يَمَّه حَرَقْني وَانا تْمَنّيتْ رَبّي ما خَلَقْني وَلا كُنْتْ على وِجْهِ الْوَطا كْعيتْ وِعْييتْ تأعْرِفْ ليش إمّي بِتْعَيِّط ... ظَلَّت إمّي تْغَنّي وِتْعَيِّط...حَطّيتْ راسي بحُظنْها ,وبَعْد شْوَيّْ صُرْتْ بْسابِعْ نوُمْ...شُفْتْهُمْ, أللّه لا يْهَدّيلْهُمْ بالْ, كَسَروا بابِ الدّار وُفاتوا,طَخّوا أبويْ وْأخويْ الِكْبير وُطِلْعوا....نِزْلَتْ دَمْعَه مْنِ دْموعْ إمّي على خَدّي,قمْتْ فِقِتْ......وُساعِتْها عْرِفِتْ إنُّه فِشْ إشي في الدِّنْيا كُلها بِقْدَر يْطَفّي حُزْن الْحَجِّه زينب. محمد توفيق السهلي حزيران /2007 [/frame] |
رد: دْموع الْحَجِّه زينب
[gdwl]
[align=center] أستاذ الفاضل محمد توفيق السهلي السلام عليكم ورحمة الله وبركاته الله المستعان ... الله المستعان . [/align][/gdwl] |
رد: دْموع الْحَجِّه زينب
كَسَروا بابِ الدّار وُفاتوا,طَخّوا أبويْ نِزْلَتْ دَمْعَه مْنِ دْموعْ إمّي على خَدّي الاستاذ الفاضل محمد توفيق السهلي حفرت هذه الدموع أخدود على خد الحجة أمي ولا زالت تحفر نفس الأخاديد على وجوه أمهاتنا في العراق وفلسطين وشوهت خدود أطفالنا استاذي فِشْ إشي في الدِّنْيا كُلها بِقْدَر يْطَفّي حُزْننا دمت في حفظ الله |
رد: دْموع الْحَجِّه زينب
قصة باللهجة الفلسطينية تحكي حكاية فلسطينية حزينة بامتياز وتشهد على جريمة من جرائم ضد الإنسانية ارتكبت بسابق الإصرار والترصد.
تقديري لقلمك أستاذ محمد توفيق واهتمامك بالتراث الفلسطيني |
رد: دْموع الْحَجِّه زينب
آآآآآه من دموع الحجة زينب ... ودموع كل الأمهات والجدات الفلسطينيات كم هي تحرق القلب والفؤاد !!!! وهل يخلو تراثنا الفلسطيني من الحزن والألم وكله من جرائم هذا العدو الغاصب والغاشم . تقديري لقلمك أستاذ محمد توفيق السهلي , ودمت بألف خير . |
رد: دْموع الْحَجِّه زينب
وهي حكاية الحاجة زينب في سورية أيضا
تحيتي وتقديري |
| الساعة الآن 49 : 07 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية