الهَمّة والشّانْ (زجل)
 

الهَمّة والشّان ديرهوم لراسكْ
لا تفقد الثقة بنفسك أو فحْلاَمكْ
الناسْ للناسْ والله وحدو قادر يغيّر حْوالَكْ
تمشي يام وتجي يام او رُدْ بالكْ
الا مشات النخوة والرّجلة غَتْبَهدَل في يّامكْ
الحياة متتعطيش دروس مجانية ليكْ
مْنينْ تقول علّماتْني لِيّامْ الدروس
اعرف بِلّي أدِّيتي الثمن قليلْ أوكثيرْ في يّامكْ
الخيمة تشوفها واقفة بنخوة راه هازينها لوتاد
وانت خلي كلمتك تكُونْ نخوتك في لبلادْ
أو زرّيعة نقيّة يفتاخروا بها الناس في لولاَدْ
الهمّّة والشّانْ راسْ مالْ إنسانية الإنسانْ
تغنّات بمْقَامَات زِينة بأجمل الألحانْ
اسمع لمجموعة السِّهام ولمشاهب وناس لغيوانْ
الكلام المرصّع والكلمة مَحْطُوطة في الميزانْ
لا تغر لا تكبّر ، النخوة تعْني الرُّجولة يا إنسانْ
ولا مْشَاتْ منك الهمة والشانْ يا إنسانْ
تولّي في حياتك في خبر كان...

رد: الهَمّة والشّانْ (زجل)
 

استمتعت بقراءتها...شعور صادق ممزوج بحكم وعبر.
شكرا أستاذ محمد جوهر

رد: الهَمّة والشّانْ (زجل)
 

أسمى عبارات الامتنان لك
مودتي

رد: الهَمّة والشّانْ (زجل)
 

الهمة والشان في الكلمة تبان
الى ضاعت الكلمة طاحت الكفة واعواج الميزان
الرجلة امشات مع ناس ازمان
وابقينا نحكيوا لولادنا كان يا ماكان.
استمتعت بزجلية مضمونها موضوع الساعة .
تمنياتي لك بمزيد من العطاء أ. جوهر محمد
تحياتي وتقديري.

رد: الهَمّة والشّانْ (زجل)
 

مودتي وتقديري
شكرا على تفاعلك الراقي