|
أنا هستقل
من تجاربي العامية المصرية لا أعلم إن كانت مناسبة للمنتدى أم غير مفهومة أرجو رأيكم فيها ..
بنت ستاشر سنة قالت في يوم أنا هستقل هتم ستاشر سنة ماسكة الكتاب وعل الهوامش شخبطة قلوب وأسهم والورود المزروعين بسأل لمين جنب الكلام متلخبطة سيبت الكتاب والأسئلة وبدون عتاب لحظة فضا صنع خيالي مشكلة محتاجة مني ألف حل يا هل ترى تختاري مين ؟ أخد الوسيم الأسمراني اللي ف جمالو يضيع زماني هو دا اللي جوا عيني م المتاعب هيداريني ويحبني طول السنين من غير ملل ولا يتمرد عليه ويعجب بحالو شويتين والبنت دي بتبصلي والست دي اللي واقعة فيا وف الجمال وأنا اللي من غيرتي أموت وأحط همي في العيال عل العموم هحطو تحت التجربة خايفه انها تكون متعبة مطلعش منها الا بشلل طب خلاص أخد اللي أدي بس خايفة انو ما يقدر يوم يهدي أو يعدي أو يصحي اللي انتحر في حلم كان برج الأمل واللي أكبر منا سنه معرفش يلمس حاجة فيني فاكرنا جنة من غير عمل يا للأسف يا للخجل .. طب لما كل دا يفاجئني يملا قلبي ويحجر الدمعة ف عيني هعرف أعيشو أويعشني هستنى ايه لحظة ندم ؟ مكتوبلها تيجي م العدم تكسر جبيني ولا كام طفل يجيني ؟ بيهم يبيع ويشتريني ! واتشحطط ف المحاكم وأسأل عن الحلول ويكون إيه العمل . طب واللي اصغر منا سنه هو دا اللي هيبقى عاقل هو دا اللي هيحتضني ويحتويني ولا هينتف رموشي رمشه رمشه ويعدلي كل الزلل ويطفي آخر نور في عيني وادخل بسببو العباسية محجوزلي قسم المعتوهين اللي خطر متسجلين وهناك يطول بيا الأجل واخرج بنت تسعين ورورة من السنين اللي قضيتها في قصتو المزيفة وعلى جثتي يطمنو ان عقلي ميه ميه سليم ومش مخرفة كل الحكاية حاجات بسيطة حبة وجع شيخوخة وشوية علل وابدأ حياتي من جديد اوعو بقى ياناس سيبوني لا تعطلوني في خطوتي وشوق عيوني هختار شريك عمري اللي جاي وادقق كويس في اختياري أصلو مش فالت عياري وأشوف عريس قيمة وعدل لسه الحياة قدامي صاحية مصحصة وأنا صحيح مكسحة لا تفكروني مروحة إلا على بيت العدل وإياك تقولو عندي ضغط وسكري زايد شوية نافص شوية محتاجة زرع كبد وكليتين وسناني الباقية ملخلخة ووداني مش بتشوف وعيني وضاقت تياجان شرايني والقلب عندي محتمل لكن دا عادي مش مهم خليكو فيا أنا الأهم في لسه عندي باقي حلم من الذراع وم الإيدين عقلة تفاؤل ورمشتين ضحك وفرح وفي الحياة لسه في شعرة أمل بتقولو ايه أنا سامعة منكم برطمة ياست دا انتي ميته من كام سنة وعريس الغفلة اللي ف خيالك مات من زمان كان عاشق لواحدة بنفس الجنان هي اللي على ايديها اتقتل . فتحت عيني فوقت ومسكت الكتاب إيه كل دا دي حياة عذاب.. تشبه هباب الحلة بتاعة جدتي . يادهيتي هو دا الحلم الجميل والمشكلة إللي لا ليها م الألف حل ولا حتى حل خليني في كتابي طموحي ودراستي مش فارس يكسر فراستي ولا حتى بحبو يذلني أنا اللي هتنكسر ليها الحياة هأمر وهنهي بحكم ربي وورايا هتمشي في الإتجاه أنا اللي عاوزاه هيتعمل وبعلمي وبأخلاقي أنا هستقل . |
رد: أنا هستقل
ما شاء الله لازلنا نكتشف من حرفك ما وري رائعة هذه الزجلية حبيبتي عزة فالاستقالة من حلم صنع مشكلة أفضل من العيش فيه لقلمك حبر تألق |
رد: أنا هستقل
اقتباس:
وتلك الزجلية تكتبها بنت 16سنة بعقل أربعينية وهي موجهة بالدرجة الأولى للفتيات الصغيرات االلاتي تغريهن مشاعر الحب المبكرة ، وتأتي على حساب مستقبلهن العلمي والعملي . وهي نصيحتي لهن على الدوام. دمت بكل خير ليلى ولا حرمني الله مرورك العطر . |
رد: أنا هستقل
عزة عامر قلت لك " عندك ما اتقولي" عمرك صغير لكن أفكار كبيرة
تحية لقلمك الواعد شاعرتنا الصغيرة " في السن "عزة عامر. أنتظر منك المزيد حبيبتي. |
رد: أنا هستقل
اقتباس:
تحيتي لك ، وباقات الزهور . |
رد: أنا هستقل
أستاذة عزة , لا يزال المستبل أمامك , وتجاربك في الحياة لا تزال تنتظر مزيداً من السنين , فأنت الآن يافعة وشابة وسيمة على ما يبدو من زجليتك , نرجو لك مستقبلاً واعداً وباقة ورد لحضرتك . تحياتي
|
رد: أنا هستقل
مبدعة عزيزتي عزة...
أعجبتني زجليتك بل أدهشتني...تمنيت أن تصل لأذن كل بنت في سن السادسة عشر ... على فكرة بنتي ستتم الشهر القادم سن الستاشر(ابتسامة) هي أجمل موعظة لكل بنت. شكرا شكرا شكرا. |
رد: أنا هستقل
اقتباس:
وهذه الزجلية تجربة بنت صغيرة على لسان امرأة ، بشكل أو بأخر مرت بأحداث التجربة .. شكرا لمرورك وتعليقك مرة ثانية . تحيتي . |
رد: أنا هستقل
اقتباس:
وكل عام وأنتم بخير مقدما .. وأهدي إليها هذه الزجلية وأخبريها أنها هدية من خالتك المصرية عزة (إبتسامة ) خالص محبتي ومودتي . |
رد: أنا هستقل
اقتباس:
هديتك غالية...صالحة لكل بنات العرب...لكل الآباء والأمهات... جزيل الشكر لك نيابة عن ابنتي وحفظ الله لك كل عزيز لديك. |
| الساعة الآن 18 : 10 AM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية