|
رَاحَةْ بَالِي
مْسَاكْ ومْسَاكْ يَا رَاحَةْ بَالِي يَا مُهْجَةْ شْطُونِي نَفْرَحْ مَلِّي تْسَالِي عْلِيَ وعْلَى حَالِي فْسَاعَةْ الضِّيمْ والشّْيَاطْ يَرْگُدْ خَاطْرِي فْحْضُنْ خَاطْرَكْ تِيلادْ نْدَبَّبْ رْگَادِي عَلْ لُوسَادْ ونَحْلَمْ بْالْمَلائِكَة فْثُوبْ لَمْحَبَّة گَمَّاطْ يَصْفَى لُونْ وَجْهِي فْمَلْگَاكْ ويَضْحَكْ خْيَالِي فْبْهَاكْ ونْعَيَّطْ عْلَى سْرَارِي تَعْيَاطْ نَسْرَحْ فْغَيْبْتَكْ اهْوَالِي ونْكَمَّدْ ضَرْبَاتْ الْمَكْتُوبْ ضَرْبَة ضَرْبَة ونْزَطَّطْ خَطْوَاتِي زَطَّاطْ :sm260:يَا رَاحَةْ بَالِي يَكْفِي نَبْرَكْ هَانِي بْلا تَخْمَامْ يَكْفِي نَغْسَلْ شْقَايَ مَنْ سُؤَالْ لِيَّامْ يَكْفِي نْكَفَّفْ دْمُوعِي عْلَى خْدُودْ لُوهَامْ يَكْفِي نَعْطَشْ ونَرْوِي عَطْشِي بْطَلّْتَكْ عْلِيَا سْلامْ ولَّگَّطْ وْرَيْقَاتْ غَدَّا تَلْگَاطْ يَا رَاحَةْ بَالِي حَقِّي فِيكْ والْحَقْ لْمُولاهْ يَرْجَعْ بْالشّْرَعْ عَارِي عْلِيكْ زَوّْرِينِي فْلَخْفَا إلَى انْتِي خَايْفَة مَنْ بَالْ مَشْطُونْ دقِّي بَابِي عْلَى صَوْتْ الْهَلالْ وفْجَرْ صْبَاحِي لْثُوبْ لَهْنَا خَيَاطْ غَرْبَلْي هْمُومِي عْلَى رِيحْ لَعْشِيَّة تَصْفَى غَلَّةْ مْقَامِي فْرَاحَةْ بَالِي يَا رَاحَةْ بَالِي ارْتَاحِي فْخْطُوطْ كْفُوفِي مَا خَطَّطْهَا خَطَّاطْ. |
رد: رَاحَةْ بَالِي
رائع جدا اخ محمّد بكل تقدير |
رد: رَاحَةْ بَالِي
يا مومر يا غالي
في اشعارك راحة البال إيلا نزور جنانك عالي نذوب في انغام الموال نقطف من تمار دوالي و يطربني هجهوج الحال قصيدة رائعة أخ مومر , لا تطل غيبتك عنا في نور الأدب لك مني أزكى التحية وأعطر السلام . |
رد: رَاحَةْ بَالِي
[align=center]
الأستاذ مومر محمد مساء النور قصيدة رائعة و جميلة أحييك و أشكرك على كتاباتك الجيدة دمت بألف خير [/align] |
رد: رَاحَةْ بَالِي
الزجال القدير محمد مومر
اولا ابارك لك الفوز بالمركز الاول بالمهرجان الدولي للشعر و الزجل الذي اقيم بالبيضاء وهذا ان دل على شيء فانما يدل على قدراتك الزجلية الكبيرة و على شاعريتك المتدفقة الف مبروك. ثانيا احييك على القصيدة البهية المطرزة من حروف من ذهب و ذات المعاني الراقية دام لك الزجل تقبل تحيات اسية واردة |
رد: رَاحَةْ بَالِي
هنيئا للأخ الشاعر محمد مومر بالفوز في مهرجا ن الشعر الزجلي و شكرا على إتحافنا بهذه القطعة الفنية الرائعة من شعره الزجلي الرقيق .
دمت بكل المحبة . |
| الساعة الآن 16 : 02 AM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية