الاخت الفاضلة ناهد
السلام عليكم ورحمة الله وبركاته
بدون شك النسيان نعمة
وكتبت في هذي النعمة قصيدة من قلب
نعمة النسيان
لو مارحمني الرحيـم وجمّـل الآتـي
تلقاني بين البشـر مجنونـه آحاتـي
واحكي لأهل الهـوي أبشـع حكاياتـي
والحمد لله خلـق باالذاكـره نسيـان
كنـت بغيابـك يمامـه بالولـه بـردا
حمي العطش وش بها غير الفنا بعـدا
تعصف رياح الوجع تحرقنـي النهـدا
من وين بلقى دوى لو ماانخلق نسيان
نظمت كل القصايد بالولـه والشـوق
وأحرقت قلب الورق من قلبي المحروق
تشره علي القصايد لاهجرت الشوق
تبيني ارجع وأحبـك واكتبـك حرمـان
تبيني ارجع لماضي عشتـه لاحزاني
غيره ودموع والم لوعـات حرمانـي
مابي احبك خلص مابي احـب ثانـي
لاتشرهي ياقصايد لعنبـو الحرمـان
مابي اجيلك انا وش تالـي رجوعـي
مابي تعود الحرايـق نـار بضلوعـي
اليوم قلبي معي ماشي علـى طوعـي
والشكـر لله عطانـا نعمـة النسيـان
وسلامتكم
ودمتم بخير ورزقكم الله نعمة النسيان