بحجم الكون احبـه واتساعـة
ولاجله اعزف الكلمة و اغني
ترجيت النسيم يوصف طباعه
تعذر لي وقـال لا تمتحنـي
قلت لو تقتدر خذ لي شفاعـة
من عيونه وكحلهـا بهمـي
وقله اني على سمـع وطاعـة
ومن غيث السماء ما خاب ظني
هذاك اللي اخذ عقلي بساعـة
ومن نظرة عشقتـه وفتنـي
اعرف انه خطف قلبي وباعـه
قصور في الهوى ما هو تجنـي
اكيد هناك من صده وراعـه
وتوه خطوته واغـواه عنـي
صعيب انساه ما عندي مناعـه
وحبه في شرايينـي ودمـي
ما اقول إلا الهوى مثل البضاعة
تبيع وتشتري والغيـر يجنـي
وانا والله مـا شلتـه بضاعـة
وانا في الحب واضح ما اكني
وجرحي للأسف زاد اتساعـه
وخياطه بعيـد اليـوم منـي