[نجلاء سلامه]

أخي ياسين عرعار
دائماً تأتي بالمفيد من الموضوعات بالوقت المناسب
وحقاً قد عانينا الكثير ومازالنا نعاني من القمع والفقر والإرهاب
ولا أعني بكلماتي الخارج أو الغربي فقط بل الإرهاب ممن هم منا
من الحكام المختارين في البداية بإرادتنا وفي النهاية نجبر علي اختيارهم بالتزوير
بدأت الثورة بتونس وتلتها مصر وسيليها الكثير من البلاد ولكني أناشد الجميع بالصمود
وسؤالي هنا بسيط جداً لماذا يكون حاكم لدولة وشاهد بنفسه رفض الشعب بأكمله لوجوده بالحكم
إزاي هيقدر إنه يكمل ما بينهم ؟؟
مستحيل هنقبل بوجوده يبقي إزاى هنطيع أوامره وقرراته ؟؟
هل ياتري ثروته اللي بتقدر ب 2 مليار دولار و20 مليون جنيه مصري من حر ماله ؟
ولا من دم المصريين وبيع أراضيهم ولقمة عيشهم وتعبهم للخارج ؟
كفاياك إستهتار بعقولنا أنت ومن هم من أمثالك أيها الحاكم فقد تغير الحال ولن نظل بتلك الغمامة التي غطيتم بها علي أعيننا
ولن تظل تلك الكلمات الكاذبة من الوعود هي الأمل بغد أفضل .......
بل سنصنع التغيير بأيدينا وبعيداً عنكم وستصبح حياتنا للأفضل بإذن الله
وانسي البلطجية اللي بعتهم لهدم المظاهرات وللإشادة بوجودك لأننا مش هنسمح بده ودي وعودك علي مدار 30 سنة كلها كدب في كدب

أنا طبعا بعتذر للأخ ياسين عرعار علي حديثي بالطريقة دي لكن زى ما قلت ده قلب أم إبنها ضاع نظره بسبب حاكم ظالم ورصاص طائش بمجرد تظاهرنا برفضه ياتري كام قلب أم دلوقت بيبكي بدل الدموع دم لأبنائهم اللى فقدوهم واستشهدوا عشان هو يعيش علي كرسي الحكم
ودي وتقديري اليكم