[ميساء البشيتي]

هذا يا ستي العزيزة والكلام للجميع لما كنت بالوظيفة قال لنا زملينا بعرف

محل بيبيع هريسة طيبة ، أجيب لكم بكرة ؟

قلنا له وكان عددنا 4 ، لأ نذوق بالأول وبعدين بنحكم ، قال خلص بكرة الصبح

بجيب شوية نذوقها سوى وان عجبتكم بنشتري للكل .

تاني يوم اجى موسى ومعاه الهريسة ورفضوا يذوقوا منها لغاية ما أجي

إجيت أنا ، فقام موسى وحط الهريسة على مكتبي وقال لي ذوقي

أنا شفتها مو كتير كبيرة ففكرتها كلها الي فأكلتها على عيونهم وهم بيطلعوا

وانا مش عارفة ليش ولما خلصت قلت له موسى طيبة كتير جيب بكرة جيب هريسة

وتطلعت فيهم لقيتهم كلهم مبحلقين عينهم في بدهم ياكلوني ، قلت مالكم

ما عجبتكم ، مش طيبة ؟ قالوا ليش احنا ذقناها ، هو انت خليت لحدا اشيء

أنا انصدمت وقلت لهم ليش هي مو كلها الي ؟ قالوا لأ النا كلنا بس موسى رفض

نذوق غير لما تيجي وناكل مع بعض .

طبعا انا شعرت بالخزي ساعتها وبنفس الوقت شفقت عليهم جدا ً

وهذه هي الهريسة