|
تحية للشاعرة ناجية عامر
تحية خالصة للشاعرة الرقيقة ناجية عامر , وتمنياتنا الصادقة أن يكون المانع من تواجدها خيرا بإذن الله تعالى .
وحدة من لهموم
ليا و ليك الله يا راعي
يا الشارب من ضباب ليام
لا من ليا و ليك يراعي
يا لحروفك شلا
و كلامك مكتوب بريش النعام
طلبت النجدة
غرقوك في حوض لحزان
عصرت عينيك
يمكن ليوم
يمكن غدة
يمكن النجاة تظهر و تبان
بدواخل مرهونة
و قلوب مجنونة
أنا و أنت
عشنا محاين لجرام
أيامنا كلها تخمام
ديكتاتورية أنت يا النجاة
واش ماشي عيب و حرام
شحال من دار
صابها الحصار
شحال من فارس
راضي بالهم
مكمد الجرح
و ضارب الطم
سماك تلبدات بالغيوم
يا ديك الوحدة من لهموم
لا واحد منا عليك طل
يا حاشيا راسها ف سوق لعزل
واكلة دراهم الصوف و الغزل
لدموع ليتامى كنت سباب
عمرت من الدنوب قراب
ما خفت من الله
ما خفت من لعداب
يا ديك الوحدة من لهموم
كوني فحال
لماشي ف طريقو نيشان
ما تعاب
المصفي ماه ما تصاب
كيف نقطة العسل
في قلوب لحباب
ناجية عامر
نور الأدب (تعليقات الفيسبوك)
|