كنت هاني في حياتي
راض بالقليل
ناكل خبز حافي
ونشم هوا اعليل
انحس بالناس
وعندي إحساس
حقيقة كنت إنسان
نسقي العطشان
انكفف دمعة المحروم
ونعاون المصضوم
اللي اقصدني نوقف امعاه
ما يهمني غير ارضاه
ساكن ف بيت صغير
وقلبي عامر بالخير
انحط راسي على المخدة
ننعس ويحلى لي الليل الطويل
لما اصبحت غني
ولليت اعليل
شحال كنت غلطان
اغواني الشيطان
بين لي الدنيا جنة الجنان
جريت مورها جريان
نجري ما نوقف
امشوق ولهفان
رجعت لي حياتي حارة قطران
ولليت نجمع ونعد
كرشي كبرات
ما ابقات تشبع
و ما ابقى ليها حد
نسيت لصحاب لقدام
ما ابقى عندي بيهم اهتمام
صاحبي هو اللي امعاي ف المشروع
هو اللي انخمم في الموعد اديالو
هو اللي نتمنى نسمع منه آلو
لكن الدنيا غدارة ما الدوم
اوجدت نفسي صحتي تذوب
اصبحت كلي عيوب
واكتشفت بللي الدنيا
زينها امزور وكلها كذوب.