[ناجية عامر]

حالة واش من حالة
كيفك أنت كيفي أنا
شاربين من ودح البطانا
كيف الساكن بين لحيوط
كيف الساكن نوالة
لا بيع بلا شرا
لا رهين بلا كرا
زولي يا هاد الشدة
راكي تعديتي العدة
ما زال ركانينا شبعانة عفن
الساكنها ما عرفناه بنادم و لى جن
نكسنا و نقينا و باقي الحال هو الحال
القوي ياكل الضعيف
و لي كيشوف يضحك على لكفيف
بغيت نهجر هاد الدار ما قديت
فيها كبرت و فيها تربيت
بغيتها تشع بالنقا
هكدا ليها تمنيت
نمشي فوق أرضها بالحفا
ما نحس بضر قدامي
و لا برخوة عظامي
نديرها حبيبتي، صديقتي
وردي و آنسامي
يزول عدابي و يهجرني سقامي

ناجية عامر في 03/10/2011