تاج الهدى
واش مازال تلاقيني بك ليام
نشكي لك همي
تمسح دموعي بريش النعام
انا هدى السارحة نجوم السروية
انا الليل الساكن فيك و فيا
يا قمر النور
يا الحامي ضلوعي
من برودة ليام
يا الهادي حروفو
سنين و أعوام
على شتات الخوت
قربتينا من فيض لحزان
واش ما زال تلاقيني بك ليام
انا هدى الشاربة من حوض الولفية
آش المعمول ف غيابك
يا عيني باش كنشوف
يا طلعت ولد حورية
ف الفطر و ف الصيام
أنا و حروفك نبكيوك
عل الدوام
واش ما زال تلاقيني بك ليام
نشكي لك همي
يا ساقي ربيع قلبي
بزين الكلام
يا الفاني عمرو ف صنع المعاني
يا الجايل بموالو و دخيرتو كل العالم
يا حامل مشعل السلم و السلام
واش مازال تلاقيني بك ليام
نشكي لك همي
تمسح دموعي بريش النعام
واش واش مـــــــــــــــــــــا زال
ناجية عامر في 19/10/2011 الدار البيضاء المغرب
ندعو لك بالرحمة و المغفرة ايها الراحل الحاضر معنا
ايها الشاعر الحر الفلسطيني الكبير الدي لا يشق له غبار
تدعونا حروفك كلما فتحنا المنتدى، نستمتع، نقرا و نستفيد من معين ادبك
اللهم جدد على فقيدنا الاستاد طلعت الرحمة و اسكنه جنة الخلد مع الطيبين و الصالحين
و الهم الأستادة هدى و دويه الصبر و السلوان انك مجيب للدعوات.