[محمد جادالله محمد]

الزاهيمر
كلمينى شويه عنك
انا مش واخد بالى
فكرينى فين قابلتك
باين الزاهيمر جالى
بتقولى انك قريبتى
بنت عمى
ولا بنت خالى
بتقولى انك زوجتى
من امتى ايه جرالى
وانجبت منى وخلفتى
وبقوا كمان رجاله
صدقت يا اختى
صدقت
وراحوا فين امال
عيالى
ساكنين فى عمارتى
انا فاكرهم جيرانى
شفتى يا ست شفتى
الزاهيمر
ازاى نسانى
اسالك عن اسمك
وليه انت جيالى
كنت بتقولى ايه
انت ساكنه قبالى
ياست ما تاخذنيش
انا قاعد لحالى
وقافل على الشيش
وانت مالك ومالى
اتفضلى روحى بيتك
يكفى لى ما جرالى
كلماتى وبقلمى
محمد جادالله محمد الفحل