[خالد مخلوف]

اقتباس   المشاركة الأصلية كتبت بواسطة نصيرة تختوخ [align=center][table1="width:95%;"][cell="filter:;"][align=center]أتعرف أستاذخالد الناس هنا في أوروپا ليست مسيسة كثيرا والسياسة العالمية لاتكون بالضرورة في حوارات الناس اليومية. الجو، الأسفار، الهوايات، العمل..أشياء تشغل حيزا كبيرا من حديث الناس.[/align][align=center] لكن المواطنين في الدول العربية بحكم الاحتلال الصهيوني وبحكم تعاقب الأحداث نجدهم دوما متابعين لمايجري ويصير. فتصبح نشرات الأخبار جزء من الحديث اليومي والحروب وصورها مشاهد متكررة في مخيلة المواطنين. لك تحياتي ومساء طيب ومجددا عيد ميلاد ربيعي هانئ.[/align][/cell][/table1][/align]

المشكلة أننا نلوك السياسة
ولا نصنع شيئا غير الكلام
وفي النهاية تصدر لنا
بيخافو يتعبونا
نيالهم بيحكوا عن السفر
الهوايات الجو
بتعرفي أنا شو هوايتي
ما بعرف غيرأني بحب أكتب
يمكن في بداخلي أشياء تانيه
أحكيلك سر ما بتحكي لحد
أنا ما بتذكر مرة أحتفلت بعيد ميلادي
أو تلقيت فيه هدية
فكرك غلط شي
كل اللي بذكره كنت بالصف الخامس
مات والدي كنت أدرس وأشتغل الصيف
كانت أمي دايما لما أكون نايم جنبها تحكي
عن فلسطين والبلد حفظت كل حكاياتها
وحفظت البلد بكل تفاصيلها
كان الجو جو ثورة
بالصف التاسع صارت حرب بيروت
تركت المدرسة كا عمري شي 15 سنة
ألتحقت بالعمل الفدائي
3سنين بلبنان أول ما طلعت لما كنت أحمل
الكلاشنكوف كان أطول مني
ونزلت من لبنان خدمت خدمة العلم
سنتن ونصف
خلصت أشتغلت بمكتب منظمة التحرير
حوالي 8 سنين وكنت أمارس السياسة
في المنظمات بعدين أنتقلت للعمل مع الأونروا
كل حياتي بتدور بفلك الوجع حتى صار جزء مني
هلأ عمفكر فعلا
شو هوايتي أنا
يمكن وجعتلك راسك
بس حبيت أفضفض
مساءك رائع
على فكرة أستاذ نصيرة
عندي رغم كل الوجع
مايملأ لأرض حبا
وتفاؤلا بالحياة
دمت