[فتيحة الدرابي]

نحلف ليك تيق بيا
نبغيك والله شاهد اعليا
نهديك قلبي ونزيد عينيا
ما اتهمني فاطمة ولا خديجة ولا هنيا
حبك من عند الله أعظم اهديا
عمر قلبي ونور لي هاد الدنيا
فتح لي عيوني وطار بيا
خلا ني نحلم صباح واعشيا
خلاني نحس اجمل الصبايا
ويعجبني نشوف راسي ف لمرايا
خلاني نلبس ونتزوق ونحس زاهيا
حتى وحدة ما تبان احدايا
إحساس جميل
أنك تكوني محبوبة
ومن عند احبيبك مطلوبة
ولما تشوفيه محبته ليك بالنظرة مكشوفة
بلا ما ينطق تحسيها
ف صمته ف عيونو الملهوفة
ف لسمت يدو
في نبضات قلبه المرعوشة
الحب جميل إلى كان صادق ومتعادل
إلى كان من الطرفين متبادل .