[فتيحة الدرابي]

مولات الزين ولبهى
من يوم خيالها غاب ما ولى
قلبي بيها التشغل
وعلى فراقها ما قوى
هي اللي قلبي ابغى
هي اللي خلاتني بالغرام النتبلى
هي اللي دقت فيا النبلة
عقلي فيها طول التفكير واسهى
انفكر فيها صباح وامسى
صوتها ف اوداني جلجل وادوى
*************
قلب عليا أنا امعاك وحداك
انا سكنت قلبك
ما تفكر تنساني عنداك
الريح اللي جابني والداك
قادر يلاقينا من ثاني هناك
أنا نتسناك
************
على فراقها ما قدرت نصبر
توسلت الله ف كل افجر
إيلاقيني باللي اخدات الروح ولعمر
نبني ليها ف صدري اقصر
ما نتفرقوا حتى لقبر
لاقيني يا رب باللي شغلت لي البال
أنا باغيها ف لحلال
إيمتى إيطل لهلال
بهواها اصبحت امريض
ما داوتني الشوكة ولا الفنيد
علتي ف قلبي ما تبرا ما الداوا
وقلبي مسكين مهموم الحالة
حتى يشوف زينت القد
مولات الخالة
كل ما طرا لي باسبابك بيه نرضى
بشوفة ف عيونك
ننسى كل ما طرا لي ونشفى.