[طلعت سقيرق]

[align=CENTER][table1="width:95%;background-image:url('http://www.nooreladab.com/vb/mwaextraedit2/backgrounds/6.gif');"][cell="filter:;"][align=center]
أميرتي هدى
أخوتي وأخواتي
رغم حزني وإضرابي عن الكلام لأن أحدا لم يدعني إلى فنجان قهوتكم .. فقد قلت : أمري لله وسأدعو نفسي ، لكن الحمد لله ، بنت خالي لم تنسني ، ودعتني إلى فنجان قهوة كله خيام وأعلام وصراخ ومظاهرات من اجل فلسطين .. قضيت عمري كله من اجل فلسطين وفي آخر الأمر يريدون الضحك على ذقوننا بقطعة صغيرة من فلسطين !!.. فشروا ..
الحقيقة لا أدري لماذا بدأت الختم يساء بهذه العبارة المرعبة :" تسلك المرأة طريقالعبيد ، لتسود الرجل.. ويسلك الرجل طريق الأسياد ، لتستعبدهالمرأة.. " رغم أن جبران محق في جزء صغير من قوله هذا .. لكن لماذا يريد هذا أن يسود أو تلك أن تتسيد .. على فكرة يا ميساء أن أفضل .. أن تسود المرأة لأنها احن ، الرجل قاس ٍ مستبد ، خذيها مني .. هو يا بنت الحلال ما عجبك غير الأخبار تستفتحين بها يومك .. هل ستجدين بوش مثلا مبتسما؟؟.. إذا كان مبتسم فهو بالتأكيد يدبر لنا مكيدة .. واليوم الأخبار كلها بلا طعم ولا لون.. طيب إذا كانت أمورنا بتنحل بشوية بوس بين الرجاجيل ليس عما يعوفونا حالنا ؟؟.. تصوري يا ميساء ستون عاما ؟؟ ..
كنت أتحدث لهدى صرت عند ميساء المهم .. أنا ما بدي صباحي يكون مثل القهوة .. على فكرة يا هدى انا متلك بحبها سادة .. حياتنا كلها سادة ..
بعدين إنت يا سلوى بنت حماد قاعدة عما توزعه شوكولاتة ليش ؟؟.. إنت وميساء نزلين قهوة وشوكولاته ؟؟.. طيب وبعدين .. نازله وطالعة أخي طلعت .. ووقت بصير توزيع الشوكولا ما في لا طلعت ولا غيرو .. عيب يا سلوى .. وين راحت الأخوة ..؟؟
والأخت نصيرة ما بعرف ليش دوختنا بالمطر مع إنو عنا بالشام الشوب حريق .. يا أختي بهولندا .. طيب تذكري اهلك يعني نحن .. قولي خلينا نرش عليهن شوية مطر .. اما فلسطين فسيبك من جهتي ما عاد بدي أرجع لا على فلسطين ولا على أي مكان تاني .. ضيعوا عمرنا وهني بدن يرجعونا .. لك تشرشحنا ولسع بيقولوا بدنا نرجعكن .. بصراحة خيتا ما لي مصدق حدا ..
شوفي المنام اللي شافتو بنت خالي هدى .. عايشة بكندا وعما تحلم بالعربي .. حتى المنامات صارت مترجمة للعرب فقط .. يمكن إذا رجعت هدى فكر إرجع يمكن ما بعرف !!..
وأنت يا أخي رشيد حسن ما دام كلهن ستات وسبعات شو بدك فيهن ؟؟.. هيك صرنا متورطين معهن .. هني بيحلموا ونحنا منتشحر .. بكره بأقنعوك يا بانقعوني نفوم بشي عملية فدائية .. ومنقوم بيبكوا علينا شوي وبيشربو قهوة .. إذا فرحوا بيشربوا قهوة وإذا زعلوا بيشربوا قهوة وإذاغ لا فرحوا ولا زعلوا بيشربوا قهوة ..!!.. حلها عاد !!..
طيب خيتا ناهد ليش بدك القهوة .. حاضر تكرمي راح ندعيلك .. والله من قلوب مليانه خير وود إن شاء الله ..
من جهة التواصل وبدون مزح هو ضروري جدا .. حتى نعرف يعضنا أكثر .. لكن أهم شيء في هذا التواصل أن نكون بحميمية أخوية عالية ..
طبعا كل ما كتبته هو مجرد مقدمة وبصدق سأحاول أن أتواصل مع الجميع .. هناك شيء مهم باعتقادي .. وبصدق هو ضروري .. أن نكون كما نحن ..
أما أنت يا أميرتي هدى
فسأعود معك إلى حيفا .. إذا عدت ..بشرط نزر جامع جدك وجدي .. صحيح شو اسمه ؟؟..بس المشكلة ما راح نقدر ناخذ محمود وكنان ووائل ويونس لأنهم يدرسون الآن .. قولي راجعين بكرة الصبح ..

[/align][/cell][/table1][/align]