[فتيحة الدرابي]

يا حبيبي يا رسول الله
امحبتك ف قلب كل مسلم ظاهر ما هو امخبي
امعشش فيه وامربي
على دين الإسلام نحياوا
ونموتوا و بذكر الله اتلبي
ما يزعزعنا تزوير اكلام
ولا نشر اكذوب ف افلام
انت النور لمنور
هاذ الدنيا من بعد ظلام
وعبودية وجهل من يمكن يتصور
الله احمى نبينا من الكفار
بعش العنكبوت ف الغار
حافظو الله من لشرار
من سيف أعاتؤوا لكثار
محمي بعناية الله الستار
وصل الرسالة بلجهار
ما خاف ما ادهش
كمل مسيرتو لأخر انهار
همو هو الإسلام ينتشر
الوثنية تندتر
وهمت المسلمين تتكاتر
ف غزواتوا ما كان خاسر
ديما ظافر
بجهد الله القاهر
لفعل الخير كان إيبادر
ما يتسنى ولا يشاور
اسميح لطيف من الناس لخيار
امشى ف طريقو وكمل المشوار
اقطع الطرقان وحطم لسوار
ادعى للإسلام بالحجة والبرهان
كلامو اصحيح ما فيه بهتان
كلام من الله منزل بالحكمة والبيان
من بعد موتو الكفار
ما ارتاح بالهم ولا غمضت لجفان
من خوفهم ساءوا للإسلام ولنبينا العدنان
هذا ماش اغريب على أعداء الإسلام
كل ما يقولوه يبقى غير كلام
ف الأخير نشوفوا شكون يضحك
وشكون تكويه نار جهنم.