[محمد جادالله محمد]

حوشى يا مصر....موال..12
حوشى عنا يامصر حوشى
الغلابة اولاد الغلابة
من الغلب ما بيفقوشى
ان سلموا من الديابه
من الحكومة مابيسلموشى
حوشى عنا يا مصر حوشى
حضرة الباشا الوزير
الكبير ابن الكبير
اللى ورث اقطاعية
وكمان وسية وابعدية
وعنده شركات متعديه
محليه وعالميه
والملايين عنده بالميه
واللى كان من شوية
مديرا لشركة البشبوشى
بينذر الفلاح الفقير
اللى ح يزرع ارز شعير
ح يحط ايديه فى الكلبوشى
واللى يحاول تانى يرويه
يمكن يضربه بالخرطوشى
حوشى عنا يا مصر حوششى
طيب ازاى الفلاح يعيش
وحرمتوه من الدقيق والعيش
ومنعتم عنه كاك الريش
فاضل ايه غير الخيش
وشتل الارز وغيره مافيش
نظام طرد ده ولا تطفيش
وعد بتخفيض الديون
وكلامه طلع فشنك
زود ديونهم ديون
وخلى عيشتهم ضنك
ودخل معظمهم السجون
علشان خاطر البنك
واخذ منهم اللى حيلتهم
بالحيلة او بالعنك
لا بقى لهم مليم
ولابقى لهم قروشى
حوشى عنا يا مصر حوشى
كلماتى وبقلمى
محمد جادالله محمد الفحل