[محمد جادالله محمد]

عيد الفلاح ..موال..رقم..14..
اليوم عيد
فى حياتى
اليوم عيد
فى ذكرياتى
يوم ان دخل الفرح
قلبى الصغير
يوم ان عمت
السعادة والسرور
على الاراضى والدور
والجامع الكبير
يوم ان خرجت امى
تهتف وتنادى
وتزغرت فى الوادى
ضمن النساء والفتيات
والشباب والرجال
وعم قاسم الضرير
وانا امشى خلفها
ممسكا فى ثوبها
فرح وسعيد
اردد معهن الاناشيد
واغنى معهن الاغانى
اليوم كله مضى
فى ثوانى
كان عيد واجمل عيد
يوم ان عرفنا الحرية
يوم ان وزع
على القرية
اراضى الاقطاعية
كل فلاح فدانيين
يوم ان احتضننى ابى
ورفعنى فى الهواء بيديه
من الفرح كدت اطير
بلا جناحين
والدموع تنساب من عينيه
وهو يردد صائحا
انتهى الى الابد
عهد العبوديه
لن تكون اجيرا ابن اجير
تعمل فى التمليه
زى الاسير
يوم ان عرفت يدى
العديه بل والهديه
من جدتى وعمتى سنيه
يوم ان اقسم ابى
بانه فى الزارعة الجاية
سيكون لنا سرير
ولحاف ويطانيه
ونسيب بقى
نوم المصطبة
المفروشة بقش الغيط
والحصيرة والغبيط
يوم ان كسر عم حسنين
ناظر الوسية العصا
ورمى الكرباج
وقال انا كنت عبيط
انا كنت مغلوب على امرى
انا كنت محتاج
انا كنت بانفذ اوامر البكوات
والستات الهوانم والبشوات
دلوقت اتلغت
الالقاب والصفات
واتلغت كمان الحضرات
واتلغت السخرة والتمليات
ما حدش فينا نكرة
كلنا بقينا سادة وسيدات
سامحونى يا اهلو وناسى
يا اخوانى واخواتى
يا خالاتى ويا عماتى
سامحونى اعملوا معروف
انا مكسوف
اروح فين
قالوا كلهم مسامحين
مبروك عليك الفدانين
وغنى الجميع وصاح
من الصباح للصباح
فليحيا الاصلاح
عيدا للفلاح
رجع لنا ارضنا
عرق ابونا وجدنا
نعمل فيها بجدنا
خيرها بقى ملكنا
مين بقى زينا
كلماتى وبقلمى
محمد جادالله محمد الفحل