زينْ لَوْطانْ
عَرْصتْنا زينَةْ لَعْراصِي
غلٌتها غلٌة زادْها وَافي
ِزِينْ حروفها عَرْبي زَاهي
جْذورها تابْثة
طَرْبَتْ الوَرْد
زَوْقَاتو بالقْوَافي
نْباتْهَا في الشْتا يَتْسَنى
مُولانا يَسْقيه
يْبَعْدو عْلَى كٌل سْفيه
شْطيحْ و رْديحْ المْناجْلْ
غَيّرْ لونْ صُوفْ المْغازلْ
بَعّدْ خْيوطْ السْدا عْلى المْنَاوْلْ
وْجَه البِيعَة و وْجَه العَارْ
شَعّلْ العْوَافي
تْبَدْلاتْ المْنَازلْ
الله وَحْدو عَالمْ بالدْواخْلْ
يَكْفي، كُلْ واحدْ فينا
صَادْ وجهو لْجيهْ
تْحَرْكوا كُونوا
شُوكْ ماضِي
فْ حَلْق العَدْيانْ واحْلْ
فْ كُل ليلة نْباتْ نَحْلمْ
يْطَلْ عْلِيّ الصْبَاحْ
بْخْبارْ جديدة تْفرّحْ
الٳعْلامْ بالحَرْبْ
بين الخوتْ َصّرَّحْ
موت، ضرٔب و جَرحْ
ما عْرفْتها كْذوبْ
ما عْرفْتها َصحْ
يكْفي القلبْ عْلى
كَبْدْتو تَكْرَحْ
مِّيمَةْ الشهيد تبكي و تْنوَّحْ
الْكُرْبْ و الضِّيقْ
رْجانا فْ الله
تْبانْ الطْريقْ
نْذوقْ من تراب البلادْ
و فوقْ أرْضْها نْتْسَّرحْ