[ميساء البشيتي]

صباح الخير يا حبايب
أنا ما بدي أنم بس حابة أحكي شو صار معي في رحلة العلاج
بعد العملية وصفوا لي دواء لما أخذته تاني يوم بالضبط
أصابي غثيان وقيء ودوخة مستمرة وهبوط عام وأصبحت بحالة سيئة جداً
قلت لزوجي اليوم عطلة ولا يمكن نحصل الطبيب اللي أجرى العملية
لذلك نروح للطبيب المجاور لمنزلنا هو طبيب عام لكن فقط نريد منه أن يأذن
لنا بتخفيف الجرعات فقط ليس إلا .
دخلنا على الطبيبة ..كانت عجقة عندها كتير وهي بدها تخلص بسرعة ..
تطلعت في وقالت شو مرضك ؟
أنا تطلعت بأظافيرها ولون المناكير وتطلعت على بقية الماكياج واستغربت
طبيبة تعتني بأظافرها والميك آب وهذه الأشياء وفي وقت العيادة ؟
المهم قلت لها ببساطة أنا قبل مبارح عملت عملية والدواء قوي علي بدي أخففه
وعينكم ما تشوف إلا النور .. شو تخففيه .. روحي عاللي عمل الك العملية ..
أنا ما بمد ايدي عالدواء .. وبعد ما صرخت وعملت كل اللي عليها .. مسكت علبة
الدواء وهي عبارة عن مسكن قوي ومضاد للإلتهابات تعطى بعد العمليات حتى
لا يحدث التهابات مباشرة .. الدواء العلبة من برة شكلها بيشبه الفيفول
قامت صاحت وقالت .. هذا فيفول ما بيعمل لك هذه الأعراض كلها ..
أنا الدهشة عقدت لساني .. بعد شوي مسكت الدواء التاني وقعدت تقرأ الوصفة
اللي بداخله كأني ما بعرف اقرأها وصاحت بأعلى صوتها عادي .. عادي ..
ما في شيء أنا ما بقدر أخفف الجرعات ارجعي على طبيبك المختص ..
بعدين تطلعت في شافتني شاحبة جدا وهلكانة عالآخر قامت قالت يا ب يشفيك
خففي الجرعة إذا كتير تعبانة وصارت لطيفة وحنونة وتدعي لي بالشفاء
وقالت لي خلص راح أكتب لك كمان علبة فيفول عشان تقوي منيح
وضلت ساعة كاملة وهي تدعي لي أطيب وأشفى بسرعة ..
لما اشتريت الفيفول من الصيدلية قلت لزوجي تفرج حتى شكل العلبة
في شوية اختلاف بس مكتوب عليه فيفول وهداك دواء مسكن ومضاد للالتهابات
هذه دكتورة وبتعالج الناس ؟؟؟!!!!