|
رد: فنجان قهوة وأحاديث الأحبة .
مساء الورد
أنا هلأ أفطرت وعم أشرب القهوة وبستمع لفيروز
أنا عندي حنين ما بعرف لمين ؟
سؤال وجيه لمين الحنين ؟
على كل حال هلأ راح أترككم مع النق ...
جاهزين للنق
ياللا عا النق
أصول نق السيدات من الألف إلى الياء
الألف : أنا بدي مصاري عندي عزيمة
الباء : بكرا لازم توصلني لبيت أهلي عندهم حفلة
التاء : ترى اليوم أنا مالي مساوية عشا جيب معك أكل جاهز
الثاء : ثلاث أسابيع ما طلعنا تمشينا يالله اليوم اعمل حسابك تطلعنا
الجيم: جيرانا إشترو سيارة جديدة جيبلي سيارة زيهم
الحاء : حبيبى..بدى غير ساعتي , مليت من ساعتى الأوميغا
الخاء : خبر الشله اليوم انك مالك جاي ..أنا عازمتك نتعشى بره,
بس على حسابك
الدال : دور لنا على فيلا على 3 شوارع شو يعني بيت أخوك أحسن منا
الذال : ذليتنا واحنا بنترجاك تشتريلنا سيارة جديدة
الراء : روح قدم على إجازة و خلينا نسافر ع فرنسا
الزيين : زيد مصروف البيت يعني يا دوب عم يكفي
السين :سجاد البيت صار قديم .....غيره يا أخي السجاد ما كمل سنتين
الشين : شيل الولد مالك شايف انو عم يبكي ,أنا تعبت من الأولاد
الصاد : صف كندرتك محلها وعلق أواعيك مكانهم , مليت وأنا القط وراك
الضاد :ضاع عمري وأنا بتعب معك ليش شفت منك يوم خير
الطاء : طلع ها الغسيل وانشروا مشان ما يروح علي المسلسل
الظاء: ظاهرتك انك ما تحبنى.. في مرة طلبت منك طلب ولبيتلي ياه
(الله اعلم شو مخبية طلب)
العين:عيوني..اليوم حكت أختك معي عالتلفون يالطيف على هالنفسية ...
الغين: غير يا أخي ها المواضيع حسسني انو بتحبني شوي
الفاء : فهمت عليك ما تكمل (تقطعلو كلامه مشان تحكي شغلة برأسها )
القاف : قدر يا أخي شوي...كل شغل البيت على راسي...
الكاف: كم مرة قلت لك انو أمك ما بتحبني
اللام : ليش اهلك عزموا بيت أخوك وما عزمونا ؟؟
الميم : معقول البس نفس الفستان على الحفلتين
النون : نسيت انو بكرة عيد ميلاد بنت أختي
الهاء :هيك رح تضل؟ترى بروح لبيت أهلي!
الواو : ولدت أختي شو بدك تهديهم
الياء : يالله ايدك على 500دينار حلاوة الصلحة..
لأنك زعلتني وكسرت خاطري
|