[فتيحة الدرابي]

غزالة ممشوقة القد
عيون وبياض وخالة فوق الخد
شافتها عيني
قلت الله يوم السعد
قال لي قلبي
بيديك واسنانك شد
ازعمت اوقفت ف اطريقها متعمد
القيت عليها التحية
رداتها بجواب امحدد
ابهرني زينها لمورد
شفت فيها شوفات
ونظري فيها تمدد
تمنيت صدرها يوم نتوسد
نحكي لها كل ما ف قلبي
وهي تسمعني وتعطيني ليوم ثاني وعد
تمنيت ما يكون بيني وبينها سد
لمحت ليها
ما خديت منها رد
خلاتني ف حيرتي نتنهد
تايه ف الطرقان امشرد
نبحث على اغزالة
يمكن معاها نسعد.