[فتيحة الدرابي]

اتعثر ازماني
ف ابحر الحيرة ارماني
هويتي ما ابقات عارفاني
اسلخت جلدي وعوجت لساني
اتكلمت فرنسي إنجليززي إسباني
العربية خليتها ف وحدتها كتعاني
واش الحق عليا ولا على ازماني
واش أنا اللي تلفت ديني
وما اسمعت لمعاني
ولا فرطت في عروبتي وهويتي لمناسباني
ولا امشيت خطوات كانت للهاوية سايقاني
اركبت امواج ، بغيت نفهم ضاعت لفهامة
حطيت راسي على لمخدة نادم
ما نفعتني اندامة
ما ابقات تحلى الجلسة
ولا يطيب امقام
النار شاعلة ولخصام
نرجع اللور ولا انزيد القدام
الناس تالفة مرهوبة لاجئة للخيام
لا ماء لا ظو لا فين تنام
العين باكية شاكية
والقلب عياه التخمام
مالك حارة يا هاد ليام
مال ما ك ما بغى يصفى
مال اسماك املبدة بلغيام
مال اصفوفنا امشتا
مال صوتنا ما سمعاتو اقوام.