[ميساء البشيتي]

صباح الخيرات يا حبايب
أو حتى مساء الخيرات العصر على وشك يؤذن
يسلموا أخيسلمان على العزومة الرائعة
كأنه رشيد ما حضر .. خايفة يكون بيغلب حاله بعزومة تانية عالمغرب ..
آمال راح نكون عندك بإذن الله
أخي منذر معك حق لازم نحكي بشيء عشان يكون وقتنا مع بعض حلو ومثمر بنفس الوقت
أنا اسمي ميساء .. حدا ما بيعرفني ..
أنا عندي أربع زهرات صبايا طبعا ما شاء الله
بس واحدة صغنونة بالمدرسة وإن شاء الله السنة بتتخرج
واحدة في الجامعة وإن شاء الله الكورس القادم تتخرج
وصبيتين مهندسات عم يشتغلوا حاليا وتخرجوا العام بفضل الله

أنا بحب القراءة كتير .. هلأ خفيت شوي بحكم المشاغل وبحكم أشياء كتيرة
بس الحمدلله عندي الكل بيقرأ والكتاب بيحضر قبل الطعام للمنزل ..
طبعا لازم أقرأ ولو كل كم يوم .. مو شرط يومياً لكن بالنسبة لما كنت أقرأ بالسابق
فطبعا هذا لا يعتبر قراءة .. بقرأ قص وروايات وبقرأ أشياء دينية مبسطة
حتى يتكون لدينا قاعدة دينية لو بسيطة .. بقرأ أشعار كنت أحب أقرأ لمحمود درويش ونزار وهلأ بقرأ
بحب كتير أشعار تميم البرغوثي وبقرأ عالنت لكتير من الشعراء والأدباء في المواقع المتعددة
أغاني بالغالب هو الست فيروز لأنها هي والكتاب والقهوة من أعمدة أسرتي
ولكن أنا أسمع الأغاني الجديدة كلها .. يعني عادة بسمع الأغاني وأنا بسوق
ما بعرف أسوق إلا لما أسمع .. طبعا بسمع الإذاعة كتير .. بحب برامج بانوراما ..
بحب البرامج اللي بتقدم أغاني بس مو كلها .. حبيت منها بس عرب أيدول وحبيت محمد عساف
وأحمد جمال .. حبيتهم أكثر من البقية وحبيت كمان سلمى رشيد ..
المهم بسمع كل شيء وفي أشياء هبلة كتير بس بحبها .. هذه الأغاني اللي ما الها أي معنى
بس بتنشط وبتعمل جو حلو بس هي أتفه من تافهة لكن الهدف منها أتنشط وأنا بسوق
أحسن أنعس .. ههههههههههههههههه..
بحب الموسيقى وبحب أحضر حفلات راقية لموسيقين مهمين مثل مارسيل وبالمناسبة
بنتي دينا عازفة كمان بالإضافة إلى أنها مهندسة بس طبعا دينا لسة في بداية مشوارها
وهي تركيزها على الهندسة مع أنه درست الكمان لسنوات طويلة ولا زالت تعزف لنا
كل فترة وفترة وأنا أشجعها على الاستمرار .. بنتي فداء الله يسلمها ويسلمهم كلهم ويسلم أحبتكم
بدأت بالعزف على الأورغ بس برضة هي رغبتها كانت العود .. يعني ما حبت الأورغ كتير
أنا بزماناتي كنت أعزف على البيانو .. لفترات بسيطة في عز الشباب وللأسف ما كملت
بس بضل إنه عندي شوية فكرة يعني .. سوزان عندي بسميها " انسيكلوبيديا " ما شاء الله
عليها هذه البنت كل شيء بتقرأه وبتعرفه وبتفهمه وحالياً هي بتكتب لكنها ترفض النشر ..
فروحة آخر العنقود تكتب منذ نعومة إظفارها .. كانت تكتب كتابات بتغمي من الضحك
لما كانت بصف تاني هلأ كتاباتها راكزة وعندها بلوج خاص فيها .. بس هي بتكتب
باللغة الإنجليزية .. لقيت حالها باللغة الإنجليزية أبدع ولكن حتى بالعربي معلماتها يشيدون
بكتاباتها العربية القوية على الرغم من أنه دراستها بالإنجليزي ..
زوجي دكتور محامي شاعر .. يتابعنا جدا ويقرأ لي كل شيء ويبدي رأيه في كثير من الأشياء
يتابعنا هنا لكن دون أن يظهر لكم .. هو مشغول جدا لكن يتابع نور الأدب وكان يقرأ كثيراً
أنا وإياها كنا نقرأ معاً للشاعر الغالي طلعت سقيرق وكان يعجبه شعره كثيرا .

أتحدى إذا في حدا بيعرف عن نفسه أكثر مني ..
وهلأ دوركم .. أول واحد أبو أنس .. هههههههههههههههه
ياللا بلشو