[هدى نورالدين الخطيب]

[align=justify]

يوم النصر

زفوا العروس وللعرسْ = فارس بسيفو والترسْ
وصلت إيدينا للشمسْ = أرضك فلسطين الهنا
زفوا يا أهلي وزعردوا = النصر هل بموعدو
علوا الأغاني ورددوا = وخلوا البيوت مزينهْ
غزة تعانقها صفدْ = والقدس تضحك للبلدْ
أرضي يا أغلى من الولدْ = نلنا وحققنا المنى
قلبي ماعاد بمطرحو = حبك ياأرضي مرجحو
عاشق عينيك بتدبحو = ولمسة إيديكِ حنينا
عاشق ودمعي من الفرحْ = وردة على الأرض انطرحْ
قلبي فلسطين انشلحْ = ريحة ترابك عمرِنا

طلعت سقيرق

[/align]