|
رد: رشفات ساخنة
على بالي ،أسهر ،واسمع ،وندردش ،ونغني طال السهر وليالي العيد نامت عاكتف ليالينا
يارايحين بعيد بعيد تبقوا اذكروا ليالينا
وهيك لحتى يجي الصبح ،اليوم مابقى في عيد ،صار في نازحين ،ومشردين ،تبقوا اذكروا
ليالي الصيف فالبلد ،اللي كانت بلد ،،والشوارع التي كانت تنتطر خطواتنا ليلية
أشرد بنظراتي لحتى ما تصطادني عيونك ،،يفضحني نسيم الصيف ،ويمرجح فوق كتافي شعري
بحنية ،تسرق نظراتك ،،تبتسم وتسأل حاسة في برد
وتولع الدنيا
هيك كان احساس الصبايا بالصيف
وهيك كانت حكايا الصيف فالبلد
اللي صار مصدر النيران ،وانزرعت بوسط شوارعه بواريد وصواريخ
وضاعت خطوات الصبايا ،،وضاعت نظرات البراءة
تبدد كل شي
انحرق الحلم
وانسرق الأمل
هي حكاية البلد
|