[ميساء البشيتي]

يا الله ما أروعكم .. عن جد أنتم رفاق ما بتتعوضوا
ربي ما يحرمني منكم
رشيد حياك الله دائما في قهوة إن شاء الله بس أنت لا تضل تفركها
هههههههههههههههه على قول أخي أبو عمرو الله يحفظه ..
والله يا أبو عمرو أختك مذوقة متلك وأنتو بصراحة عيلة منبع الذوق واللطافة
يعني ذبت من الخجل أمام هذا الكلام الحلو .. شو بطلع أنا أمام حلاوتكم وجمالكم وخفة دمكم وطيبتكم
ربي يباركم فيكم ويسعدكم يا رب وأمانة سلم لي على أختك وقلها الله يجبر بخاطرها ..
أخي سلمان هذا من لطفك يا طيب .. جبل كامل مخصوص إلي .. كتير علي هالدلال
وترى أن من هواة تسلق الجبال طبعا لما كنت صغيرة هلأ عالأرض يا دوب عارفة أمشي
هههههههههههههه .. لا بس عن جد كنت أتسلق الجبال وأهبط منها بسهولة تامة
كنت أسكن مناطق جبلية . الأردن كلها جبال وكنت أروح مدرستي من جبل لجبل
فلذلك الجبال كانت طريقي في الروحة والرجعة .. شغلتين تربيت عليهم الجبال والمكتبات العامة للقراءة
رجعتوني لأيام اللولو .. ساق الله هديك الأيام .. كنت أمشي بالساعات وما أحس بالتعب
وكانت أمنية حياتي أطلع الدرج أو أنزله مرة واحدة درجة درجة إلا كل عدة درجات مع بعض
إيه يا دنيا هلأ بطلع درجة درجة بس بضل يعني نوعا ما رياضية بعض الشيء ..
يعني سباحة وجيم ومشي من هالحركات .. الحمدلله ..
وأنتو شو الرياضة اللي بتحبوها والرياضة اللي لسة بتلعبوها ..
غير رياضة الخواطر والشعر .. ههههههههههه .. ما هاي برضة رياضة فكرية بس ..