|
رد: رشفات ساخنة
زمان أول ما نزل الفيديو كنا نجتمع مجموعة شباب ونجيب أفلام هندي أو كاراتيه أبناء جيلي كلهم أبناء الأربعينيات بيتذكروا .
وكان يقعد معنا أبو خليل زلمة كبير بالعمر ومعلومكم أفلام الهندي والكاراتيه كلها بتشبه بعضها نفس القصص وكتير أو كلها أكشن وضرب .
وكان ابو خليل ينفعل لدرجة ولما يخلص الفلم دائما لازم يسألنا مين بطل الفيلم
وكنا كلنا نضحك طيب يا أبو خليل شو صرلك ساعة بتشوف ومنفعل ومتحمس
بس هلأ والأكشن بالعالم كلوا وكلنا عم نعيشوا وخاصة المناطق السخنة كلنا صرنا أبو خليل
كلنا عم نسأل مين بطل الفيلم
الوحيد بس اللي عم يضحك هو الصهيوني
خربشات خالد
|