الدنيا ما ابقا فيها والو
كل ما كان ازوين امشى فحالو
الولد ما دار بحساب العم ولا خالو
كالك هو الفاهم ما كاين حد فحالو
ربى الشعر أو طيح سروالو
مقابل غير آلو آلو
ساد ودنيه بليزيكوتوغ
ما حاس أش طرا لو
تبياض ولا تكحال
عايش ف عالم ديالو
عالم خاص بيه وبامثالو
ما ابغى يقرا ولا يخدم
كالك غادي إيجيبها غير بلقدم
بالليل يسهر إيشاطي
وبالنهار ناعس امواطي
انعيط ما يسمع لعياطي
ما يدوي ولا يسمع منك دي
ساهي مع حالو وقاطع الزي
آش هاد الحالة يا هاد لولاد
ما يفيد الزواق والتجباد
راكم زعمة رجال هاد لبلاد
أما لبنات
الهضرة كثيرة واحسن السكات
راكم افهمتوني والمعنى وصلات.
والو= لا شيء
الهضرة = الكلام
زعمة = يعني
الزي = لا يتكلم
ساهي = شارد
يدوي = يتكلم