[ميساء البشيتي]

مساء الخيرات
أهلا حبيبتي بوران
كل يوم بحس وجعك عم يكبر
ما بعرف كيف أنت أو كل أهل الشام بيشوفونا
أكيد الوضع عندكم صعب كتير والعالم برة حدود سوريا ما حدا حاسس
الله يكون بعونكم ويساعدكم
الله يفرجها عليكم وعلينا وعالجميع

عنا مطر وبرد شديد ورياح
طبعا بعض الشوارع غرقانة جدا وبعض الشوارع ما شاء الله
تم السيطرة عليها بس خايفين تشتي الليلة
يعني قطع كهرباء وبرد شديد وسيارات ما بتتحمل تغوص بالمياه
ولكن يبدو الخليج بعد شوي راح يصير يثلج
كل شيء بيتغير المهم نحنا البشر كيف بنشوف هذا التغيير
يا ترى بنحس إنه الأمور كلها عم تصعب ومع ذلك لسة ما حدا حاسس بالتاني منيح
الله يجيرنا من الجاي ..

الأستاذة هدى ما بينت من كم يوم خير إن شاء الله
والآن تصبحون على خير